السلام عليكم
من منطلق ان المواطن كلامه مسموع <=== كثروا منها
قرات هذه الفكره لو تطبق راح يستفيد منها اغلب الخريجين و الطلاب الدارسين
اهم شي الحقوق محفوظه مع انه ماراح تطبق لان الوزارة ماتدور الراحه كثر ماتدور التعب للمواطن ؟<== ناويه على حالها
الفكرة <==ياطو يلات العمر
طبعا كلنا نشتكي من طريقة التدريس في مدارسنا الموقره
وان المدرس او المدرسة (إلا ماندر) يدخل الحصه وماله خلق وكأنه غاصبيه يلقي درس
(ماتبي تدرس اقعد بالبيت غيرك يتمنى هالمكان من سنين)
مو انتخاب رئيس بعض الدول يكون كل 4 سنوات!!<== مو متاكد
ليه المعلم مايكون نفس الشي
طبعا مثل مانعرف انه في تقييم أداء وظيفي كل نهايه سنه سواء للمدرس او الاداري في المدارس
(راح تقولون بعض الاحيان الواسطه تلعب دور بس ربنا يحلها )
بس هم الحقد والمنافسه راح تلعب دور بس هم الله يعين
المهم نفرض هالمدرس يقّييم خلال الاربع سنوات كل سنه يقييم تقييم عادي اللي هو الاداء الوظيفي
بالاضافه الى تقييم الوسائل التعليميه اللي يقدمها خلال كل سنه ومدى جدوتها ومناسبتها للمنهج ومدى قدرتها على توصيل المعلومه
وايضا مثل مانشوف الحين عندنا في بعض الكليات قبل مايسلمون النتائج للطلاب لازم يقيمون الدكاتره
حتى هنا لازم الطالب يقييم معلمه وطبعا تجمع هذه كلها خلال الاربعه سنوات اذا كان التقييم الكلي يقل عن 90% ينزل تقاعد
اما اذا كان التقييم فوق الـ 90% تمدد له اربع سنوات اخرى
ادري راح تقولون 90% صعبه
اذا الطالب المتخرج من الثانوي ينظلم اذا اخذ 89%
انا اشوف انه المفروض للمعلم لازم يكون 95% وفوق علشان يستمر
لانه اذا المعلم مااعطى الطالب شلون الظالب راح يوصل للمستوى المطلوب
لانه بجد اغلب المعلمين مستهترين
انا صح مااحب مهنة التدريس بس والله من خلال شغلي كإداريه في مدرسه اهليه اشوف المعلمات مبدعات
من خلال الوسائل والشغل
عن جد اقول وين معلمات المدراس الحكوميه مايتعلمون من هالمعلمات مو كلهم متخرجين من نفس الاقسام
عن جد معلمين الحكومه الاغلب جاحدين ومستهترين ومايستاهل المكان ولا الراتب اللي يأخذونه
طبعا في الاول قلت اذا هالفكره اخذته بعين الاعتبار راح يستفيد منها الخرجين
لانه اغلب المعلمين العجزانين راح يطلعون والخريج الجديد راح يكون له فرصه
اما الاستفاده اللي راح يستفيدها الطالب
انه راح يلاقي احد يوصل له المعلومات بذمه وضمير واسلوب جديد ومتجدد ونرتاح من طريقة التلقين واحفظ ياطالب
طبعا المفروض مايكون التقييم للمعلم بس حتى الاداري..
عطوني اقتراحاتكم.............:)
فرعونيه2 @fraaonyh2
عضوة جديدة
هذا الموضوع مغلق.
خليك أول من تشارك برأيها 💁🏻♀️