السلام عليكم ورحمة الله
اخباركم يا حوائيات
كتبت امس موضوع طووويل وللاسف كان المنتدى معلق وطار
قلت لازم اعيده ... واخبركم عن اللي بخاطري
كلنا نعاني من وقت فراغ عيالنا أيام الاجازات ... لانه وقتهم يروح هدر بدون فايدة ... وقتهم ضايع ما بين برامج التلفزيون اللي ما فيها فايدة وما بين الاجهزة اللي بين ايديهم
اخذت عقولهم وتفكيرهم وتركيزهم ... وليتهم ينزلزون برامج مفيدة
الا كلها العاب ومقاطع يوتيوب
وانا افكر قبل كم يوم في بناتي واطالع كل وحده في يدها ايبود وما عارفة وش اسوي لهم والوضع مو عاجبني
جاتني فكرة ... واتوقع انها فكرة مو جديدة
وش رايكم بفكرة انه يخصص مكان مناسب لعيالنا وبناتنا .... ويكون هالمكان معروف حتى يسهل للكل الوصول له
ويكون فيه متطوعات من معلمات وبنات واعيات ومتفهمات لنفسيات الاطفال واحتيجاتهم
يكون يوم بعد يوم تقريبا .. لمدة ثلاث ساعات تقريبا ...
يعلمونهم فيها اشياء ما تعلموها في المدرسة ولا حتى في البيت ... وتكون مثلا اشياء عملية
مثلا ....
تعليم البنت من سن 7 سنوات .. كيف تعتني بنفسها وبنظافتها وترتيب غرفتها
كيف تهتم باخوتها الصغار وقت انشغال امها
كيفية اعداد طبق سهل بالاعتماد على نفسها حتى لو خبز وجبن << مثال فقط لا تجيني وحده تقول علمي بناتك انتي
ويكون بشكل عملي محبب للاطفال مو بشكل مدرسة وشي غثيث
مثلا يكون فيه تعليمهم اية الكرسي مثلا لاهميتها في الحياة
قراءة القصص المفيده لهم بشكل مبسط << لان عيالنا يحتاجوا لهالاشياء بس للاسف الام عادة ما تكون فاضية
تقرا وتشتغل وتهتم بالبيت ...
وايضا .. نهتم بالجانب الثقافي ... مثلا تعليمهم الدول وعواصمها ..
تعليمهم السيرة النبوية واصحاب الرسول صلى الله عليه وسلم
وفيه امثله كثيرررررة .... يعني يكون لهم متنفس منها يغيرون جو ومنها يتعلمون ومنها نبعدهم عن هالاجهزة
او السهر بالليل والنوم بالنهار
وطبعا ما ننسى يكون لهم مسابقات واشياء ترفيهيه ..
وش رايكم بهالفكرة ..؟؟ مع اني اتوقع انه انه ينعمل بالمراكز الصيفية برامج زي كذا
بس الصراحة مو عارفة وش هي بالضبط لان ما عندي اي خلفية عنها ولا اعرف احد راح مركز صيفي للاطفال
جلست افكر لو تنعمل هالفكرة في بيت ... مع اتفاق مع مجموعة من البنات اللي عندهن استعداد لتنفيذ هالعمل
بس يكون بشكل مرتب وعلى شكل مناسب .. لتجمع الاطفال وتعليهم
والا ممنوع تكون في بيت ....
الصراحة تمنييت تتنفذ هالفكرة ونستفيد ويستفيدون عيالنا من الفراغ
طبعا تكون برسوم معينه .. انا قدرتها تقريبا من 300 الى 500
انتظر ارائكم ومقتراحاتكم
رونقة البيت @ronk_albyt
عضوة فعالة
يلزم عليك تسجيل الدخول أولًا لكتابة تعليق.
رونقة البيت
•
اب
الصفحة الأخيرة