اقترحوا علي هدية للعروس

هلا اختي ريم انا بقولج فكره وانشالله تعجبج شوفي اشتريلها مندوس راقي وحطي داخله يعني ارضيته سكارف او وشاح راقي .. وبعدين مادام انها عروس اكيد تحب تتعطر وايد حطيلها عود ودخون حلو معطرات جسم عندج الشانيل وايد يجنن سبري للشعر والجسم مع شاور جل وممكن تشتريلها شنطه ماركه او لوازم البيت لها بعد العرس تتذكرج فيهم تحف لوحات سجاد انتيك ..... اسفه طولت عليج بس انشالله يناسبج شيء والله يوفقج

مشكورة اختي( قطاوة)
ضحكني اسمك واعجبني ياحلييييييلك..

حبيبتي..
وش تقصدين بالمندوس؟؟
والله يعطيك العافية...

الغالية ريم

المندوس هو صندوق خشبي تجي منه اشكال روعة وممكن انه يكون من الخيزران

وعلى فكرة كنت برد عليج مثل فكرة الاخت قطاااااااااوة

يعني ممكن تحطين في هذا المندوس بعد قطعة مطرزة ، قميص نوم ، بدلة، مكياج، يعني تكون زهبة مصغرة

مع خالص:24:

الأخت ريم..
أنا من رايي أنه أحسن تسألين العروس اذا كان ناقصنها شيء بعدها ما خذته...تأخذينه انتي لها
ودايما من الأفضل أنه اللي تريد تهدي اي عروس .. تهديها قبله بقتره كافيه....عشان هذا بيساعد العروس انها تحدد شوه يبقى لها من اغراظ..

انا رائي من رايك
وكمان ممكن تهديها ساعة فخمة وحلوة