اقتنعت برأيكم وشوفوا وش ردينا.....

انا يا بنات الي كتبت لكم قبل يومين عن الي خطبني ويبيني اسكن مع ابوه وامه وزوجته واخته
وقرأت اكثر الردود اني استخير وانا مستخيره من قبل فقلت لازم استخير هاليومين الين يحين موعد الرد واشوف وش الله مختارلي , لما جا اليوم الا وابوي يناديني ويقولي هاه يا بنتي وش قررتي لاني ابي ارد للرجال قلت اني متمسكه بشرطي وابي بيت خاص حتى لو يكون قريب من اهله وزوجته بس يكون مستقل قال ابوي وانا بعد هذا رأيي وامي بعد قالت ايه كذا قله اذايبي يتزوج يجهز البيت وامي كانت رافضه في البدايه لانه متزوج ووافقت بعد طلب من اخواتي المتزوجات واقنعوها ولما جات النظره قال يبيني مع زوجته بنفس البيت قالت امي لا واذا بتوافقين بتندمين قد شعر راسك وبعدين ما ينفع الندم ,فأتصل فيه ابوي وقال البنت شرطها بيت واذا ماانت موافق الله يستر عليك ,قال اجل الله يعوضها بالي احسن مني والله ما اقدر افتح بيت ثاني مابي ابعد عن اهلي وظروفي ما تسمح وخلاص بس حبيت اعلمكم واشكر كل عضوه ردت وشارت علي والله يجعلها بميزان حسناتكم وادعوالي ان الله يعوضني ويزوجني بالرجال الصالح