نصيحتي لا تجيبيها ......انا كنت زيك مو متعوده ع الشغل ببيت اهلي بس عودت نفسي بنفسي
لما تجيبها انتي بنفسك حتلاضي انه اكثر وقتها حتكون جالسه لانه مافي شغل لسه عيلتك صغيره حتى لو بيتك كبير ماشاء الله لو نظفتيه مره وحده بالاسبوع تنظيف كويس راح يقعد طول الاسبوع نظيف اكثر البيت ماعدا الاماكن اللي بتستخدموها دايم مثل حمامك والمطبخ ومكان الجلسه عند التلفزيون وهدا كله تنظيفه اول باول راح يريحك استغني عن الشغاله اذا زوجك مرتاح ماديا بالاجهزه اللي تساعدك وان شاء الله ماتتعبي لاتشيلي هم الولاده راح تكوني عند اهلك سهله ان شاء الله
لكن والله من تجربه عمر وجود الشغاله في البيت كان مريح تحسي الجو خنقه وياناس كفااااايه المشاكل والمصايب اللي نسمعها منهم واخرتها طفلة ينبع الله يصبر اهلها ان شاء الله
واطفالنا نربيهم ان شاء الله ع الترتيب وتحمل مسؤلية البيت معانا خلونا نستغني عن الخدم اللي استغلونا وعذبو قلوبنا
لا تزعلي مني لكن نصيحتي من محبه وقهر من اللي يصير حوالينا الله يكفينا الشر

شوفي انتي وضعك صعب جيبي شغالة اهم شئ راحتك وخصوصا ان عندكم احد بيروح سيريلانكا فرصة بصراحة ماتعوض
والله يسرلك الزمي الدعاء والاستغفار

جيبي اللي بالشهر اذا قربت ولادتك

بس الحين وفري غسالة توماتيك ومجفف وغسالة صحون وربي ترتاحين من الشغالات وقرفهم ومشاكلهم

اذا مررره تتعبي جيبي لك الشغالات اللي بالساعات وريحي راسك

ياقلبي انتي
شوفي انا آخر وحده اتكلم عن الشغالات
لاني ما استغني عنهن بسبب ظروف مرضي
لكن نصيحه لك من اخت تبغالك الخير
مافي احسن من الراحه النفسيه لدون شغاله
خلي الشغاله آخر خيار لك يعني اذا مره مره ماقدرتي
واذا كنتي تقدرين تجيبين الي تشتغل وتروح يكون افضل
ترتاحين وتسلمين باذن الله من شرور الشغالات