الله يوريني في خطيبي عجائب قدرته عاجلا غير اجل انايتيمه واخويه قابله وسأل عنه قالوا ياسلام وسألت وحدة الله لايسامحها قالت مااعرفهم زمان تزوجت وماعاد اعرف اخبارهم وبنت جدها متزوجه اخوة قلتلها اسأليها قالت ماتعرف الا زوجها واكتشفت بعدين انها في الصيفيه تروح لديرتها ويصير ولد جيرانهم ملكنافي البيت وبعدين حجزنا استراحه وكوافيرة وحلويات وخرفان ثم اتصل قال مانقدر نجي نحضر الحفله وجاء العيد وماجاء عيدني وجلسنا تقريبا سنه نصها قضاها في دورات ممنوع يستخدم الجوال ثم صار بعدها يطلع نهايه الاسبوع كأنه عندي يوم عيد واحيانا ماادري هو طلع والا لا لأنه مايرسل ولا يكلم الا من بعد المغرب وهو يطلع الظهر وقلتله مانفع واستحي ادق انا عليه يدرون اهله ويضحكون عليه وانا اللي كنت اكلم امه واخته وابوة واخواته المتزوجات وماعمرهم دقوا عليه الا وحدة حسبي الله عليهم بإستمرار عشان اتقربلهم حتى اقول لايضحكون علي يقولون ماصدقت وناس كثير قالولي ياغبيه لاعاد تكلمينهم وصبرت وصبرت حتى زيارات مايجي ماعندة فلوس ويخاف من اهله واكتشفت ان اهله متعلقين فيه وشرانيين وامه يقولون هي سبب طلاق زوجات اخوانه 6 طلقوهم بسببها وهم ماهم جالسين معهم بالبيت وقال بيسكني فوق اهله وانا المسؤول عن اهلي وهو اصغرهم وقال مابجيب لك اغراض ناكل معهم قلت يمكن مايعجبني شي يسوونه استحي اقلهم بأسكت واذا رجعت بيتي كلت واخيرا حددنا الزواج وطلع استاجرشقه واثثها ثم قال مالك راي الراي للي يمشي رايي وانا القوامه لي وبدأيتكلم علي وكانت هاذي الحاله بين فترة وفترة تجيه ويخاصم ولكن في المرة الاخيرة زاد كلامه علي وقال هذا النظام اللي تمشين عليه وسفريات مافيه لأني طلبته نسافر ماليزيا لأني ادري اني بأجلس في السعوديه ماعاد بأطلع منها وقال مااقدر قلت خلاص جبلي شقه لأني ابغى اعيش حالي حال المتزوجات ماابغى اجلس مخاصمه مع اهله وهي عشرة عمرواخته بعد الملكه سبتني وتكلمت فيه في مجلس حريم وهي اللي اختارتني وقلنا يمكن اللي وصلت لنا الكلام كذابه ومرة كلمتها قالتلي نفس الكلام تقول هو اللي قاللها تقولي وقصي شعرك بوي تعرفونها ذا القصه وامدحت اخوها لين قالت بس وهو فنان سوي وسوي وسوي وهو جواله شحن حتى بعد ماتوضف ماحطه عام وقلتله ليش تقولي كذا لاتدخل في حياتي مااحب احد يتدخل في حياتنا قال ماتدخلت تنصحك قلت ليش ماقلتلي انت قال والله ماقلتلهاكلمه وبعدين قبل الزواج بفترة طلقني دعواتكم لي إن الله يعوضني خير منه في اقرب وقت عاجلا غير اجل وماذلك على الله بعزيز وينصرني فيه هو واهله لأنه حتى امي واقرب الناس صاروا يهزون ويضحكون عليه دعواتكم لي ذبحني التفكير لأني جهزت شنطتي كل مااشوفها قدامي اموت من الهم واهلي يخاصموني يقولون انتي وش ذا الطلبات سفريات وكلام فاضي ويقولون قبل مؤدب وخلوق وانا ماوضحتلهم شي ادعوالي ربي يعوضني خير منه في ذا الاجازة وتضايقت اكثر لأنه هو اللي اتصل على اخويه وقال خلاص مع انه اليوم اللي قبله كلمني وما قال شي وماتخاصمناوقبله جاني خطاب احسن منه ورفضتهم والحين تزوج الله لايسامحه من يوم دريت والقولون عندي زي الجمرة ونفسيتي انهارت زيادة وشلت هم مايعلمه الا الله ادعوالي املك والا اتزوج قبل الصيف لأني حتى الناس قاطعتهم ماعاد كلمت احد ولا ابغى تجي الصيفيه والناس يشوفوني ويسألوني اااااااااة مابقى من العمر كثر مامضى تكفون ادعوا لي بالزوج الصالح والذريه الصالحه ما عاد بقى في العمر كثر ما مضى ادعوا الحق اجيب عيال وانستر في بيت زوجي الله يوفقكم دنيا واخره اميييييييييييييييييييييييييييين في اقرب وقت عاجلا غير اجل
يلزم عليك تسجيل الدخول أولًا لكتابة تعليق.
الحمدلله الله كتب لكي الخيره الطيبه يمكن لو تزوجتيه وجبت عيال طلقوكي منه وقهروكي اكثر لكن الحين ادعي دايما
اللهم اجرني في مصيبتي واخلفلي خيرا منها والله بيعوضك خير لانك ماطلبتي الطلاق ومبين انه رجال ماعنده شخصيه
صدقيني الله يحبك يوم تطلقتي منه واذا كنتى مصليه الاستخاره فصدقيني ربي كتب لكي الخير احمدي الله على حالك
واهلك تراهم مقهورين عشانك الله يهديهم ويسر لكي كل خير ويوفقك ويرزقك الزوج الصالح عاجل غير اجل يارب العالمين
اللهم اجرني في مصيبتي واخلفلي خيرا منها والله بيعوضك خير لانك ماطلبتي الطلاق ومبين انه رجال ماعنده شخصيه
صدقيني الله يحبك يوم تطلقتي منه واذا كنتى مصليه الاستخاره فصدقيني ربي كتب لكي الخير احمدي الله على حالك
واهلك تراهم مقهورين عشانك الله يهديهم ويسر لكي كل خير ويوفقك ويرزقك الزوج الصالح عاجل غير اجل يارب العالمين
ياليت ..
•
الله يرزقك بالزوج الملتزم اللي يخاف الله فيك ووكلي امرك لله واكثري من الاستغفار
وان شاء الله ما حصل يكون خيره لك
وان شاء الله ما حصل يكون خيره لك
الصفحة الأخيرة
وأمكن خير لك يابنت الحلال ... عسى الله يعوضك بزوج صالح أحسن منه موفقه حبيبتي ...
>>> تبسم فإن الله ماأشقاك إلا ليسعدك ... وما أخذ منك إلا ليعطيك ... وما أبكاك إلا ليضحكك
وما حرمك إلا ليتفضل عليك ... وماأبتلاك إلا لأنه يحبك ..,,,,,,