اقرأوا واحكموا

انا معكم ان التعامل مع اهل الزوج لازم يكون بالاحترام والتقدير
انا بصراحه حاطه اهل زوجي على راسي مو مدح لنفسي لكن باعتراف منهم
اني انا غير حريم العيال وانهم يمونون علي اكثر
بس اذا جيتي لتعاملهم معي حلو بس يقدرون يرمون اي كلمه بسهوله عكس التعامل مع الباقيات
يحسبون الف حساب
ثانيا تعاملهم مع زوجي يختلف عن اخوانه
مع انه مايعرف يقول لهم كلمة لا
والله اذا اتصلوا عليه وهو جاي من العمل يطلع لهم على طول
انا عارفه ان هذا حقهم عليه بس هو يبي يشوف تقدير له مو عدم اهتمام
شوفوا هم طيبين بس السنتهم مايمسكونها
وعشان ماأظلمهم بقول بعض المواقف وانتم احكموا
1-كان لزوجي غرفه ومره جاء لقاهم مطلعين كل اغراضه عشان بيسوون الجناح لأخوه
هو زعل لأنهم ماقالوا له وزعل لأنه من حقه يكون له غرفه زيه زيهم
لما قال لهم ابي غرفه قال اذا جيت نفرش لك في المقلط ولا تنام في غرفة اختك
بالبدايه رفض رحت واقنعته انه شي عادي
مره من المرات رحنا عندهم وبدت امه كل ماشافته تقول بتنام عندنا ولا بتستأجر
بتنام بغرفة اختك (لأنها كانت حامل )لأنها ماترتاح الا بسريرها
هو سمع هالكلمه جاني طاير وقال مشينا
وش السالفه ؟ قال بعين اقول
والله ونجلس ندور شقه لين داخت روسنا وكل مره نجي وندور في هالشقق
المهم لكل فعل ردة فعل انا مليت من هالوضع وما كنت اقول لاهلي
ولا ابي اتخذ قرار يجرح ام زوجي لكن الظروف حدتني على كذا
قلت لامي ملينا من اشقق وتعبنا ووووو
قامت امي حطت لنا جناح وصرنا ننام عندها وارتحنا طبعا ام زوجي كل ماجينا تلزم ننام عندهم طبعا بنفس المكان لكن حنا رفضنا
2-كل اخوان زوجي نقلهم ابوهم ولما جاء دور زوجي قالوا وشلون ننقله ترى مو احنا اللي ناقلين اخوانه هم ناقلين انفسهم
كيف ناقلين انفسهم وانا حاضرة كل النقلين وسامعه ام زوجي وهي تقول لزوجها اليوم تروح تكلم فلان
عشان ينقل فلان
وحنا تقول انا مااقدر على الشايب
3-انا من النوع اللي امزح واستهبل معهم وهم بعد وبالخير يقولون انتي طويلة لسان
وحريم عيالهم اللي يسكتونهم مااحد يقدر يقول لهم هالكلام
4-زوجي تزوج قبل الكبير وكانت خالتي ماتبني احمل عشان مايتضايق
المهم جبت البنت الاولى ولما حملت بالثانيه شهقت منهبله بتجيبيبن بنت ثانيه
قلت الحمد لله البنت الحين انفع من الولد
4-تزوج الولد الكبير وكانت ماخذه الجناح عشان يسكن عندها وياخذ وحده تشيل معها البيت
المهم في يوم من الايام حسيت انهم ظلموني فدعيت ان تجيهم زوجه تطنشهم وتقهرهم بهالولد اللي وطوا على روسنا عشانه وفعلا صارت زوجة الولد تنزل وقت الغداء تتغدى وتطلع للغرفه ووقت القهوه بعد وبالخير وقبل ماتجيب الطفل الاول اطلعوا من البيت
المشكله انها تنام ماحد يقول لها شي وانا اجيهم ضيفه واذا نمت الى12 لاني جايه من سفر
تقول خالتي ماشاء الله شبعتي نوم والله مخليني يالعجوز خدامه لكم
طيب اللي نايمين غيري بناتك يعني اللي مايقومون الا2
5- بناتي مايحبون يلبسون حلق ودايما خالتي تقول بناتك كأنهم بنات فقر
تبين اشتري لهم (هي ماتدري انها تسب ولدها)
ومره نسيت البس ساعه قالت لي قدام الناس انت فقيره ماعندك ساعه تلبسينها
المهم انا الحين تعبت بعدين اكمل شقا 6 سنين
ومع ذلك والله اني اظر لهم زي الاهل
ووالله اني ماأكرههم
بس انصدم ليش يعاملوني كذا حتى زوجي صاير مايحب يروح لهم ومع ذلك اقول له احسن معاملتهم عشان اذا رزقنا الله بعيال مايسوون فينا كذا