اقرأو سالفتي مع زوجي بخصوص الأكل ..

السلام عليكم ورحمة الله

اخواتي راح اقولكم سالفتي بالتفصيل الممل

انا ساكنة مع زوجي في غرفتين صغار وحمام (شفتوا المعاناه من اولها) وماعندي يهال وحامل بأول ياهل

ولا عندي مطبخ من جذي ما اطبخ وفترة الغدا كانت امه ما تطبخ لأن تستكثر تطبخ لي وترسله فعشان جذي

زوجي كان اييب لي غدا من برى ,, ولا تقولون لي ليش انتي ما تنزلين تحت و تطبخين ,, ادري فيه وايد بنات

الي ما عندهم مطبخ يطبخون تحت ,, انا ماطبخ لأني لو بطبخ مابقدر بس لي و لزوجي لازم اخلي لهم ولو شويه

وانا مو ملزومة اطبخ لغيري وثاني شي لو بطبخ فضيحة امه كل شي تقوله لما تجتمع بأمها واخواتها وأخوانها بشكل

ما تتصورونه .. كل شي تقوله فأنا ماحب الكل يدري شنو طبخت وشنو اكلنا فإحنا اعتمدنا على المطاعم في العشا ..

والغدا اشوف امه هالايام تطبخ وننتظر زوجي يرجع من الشغل ونتغدى مع بعض .. مرات زوجي اييب لي الاكل

فوق لأن امه تكون تغدت قبلنا .. المهم وانا كنت في بيت ابوي متعودة على كثرة الاكل الي قدامي .. امي ما شاء الله

كريمة وايد في الاكل تحط لنا شكثر وناكل و نشبع وبعد يزيد الاكل .. بس عمتي تحط لنا اقل من شبعتنا .. وانتو

تعرفون الشخص لما يتعود على شيئ معين صعب يتأقلم مع الوضع الجديد .. واهي امه اتحط لنا قليل وانا احسها

تتمسخر علينا .. وزوجي عنده عادي جذي وكله يقول احسن من انه ينقط .. كلمتهم هاذي اذبحوني يها .. اوكيه

لا تخلون الشيئ ينقط حرام نعمة بس لا تقصرون على نفسكم ..

اليوم لما رجع زوجي من الشغل ياب معاه غدا امه و هو عبارة عن صحن صغير عيش (ارز) وشوية سمج شعري

هذا على فكرة لشخصين فقط شفتو الكرم وانا السمج ما اكل منه الا الصافي وباقي الانواع ماحبها كلش واهو

يدري ويقولي يالله خل نتغدا قلت له ماحب السمج تم يحن علي اكي لو بس شوي انتي ذوقيه عالاقل وانا اقوله

افهمني انا ماحبه ولا استسيغ طعمه وتم يحن يحن بالأخير كلت شوية على شانه وبالغصب بلعت اللقمة وقلت له

ماقدر اكمل انته تغدا ونام بعدين يقولي انزين حطي لج لبن مع العيش قلت له ماحب اللبن مع العيش الي جذي

و بعد واصل حنة وانا طفشت رفعت صوتي بس شوية قلت له لا تحن ما ابي اكل ما اشوفه الا رمى القفشة وقام

راح ع السرير << حركة واحد معصب انا تميت اصيح شوي وبعدين رحت الغرفة الثانية تميت اصيح واهو يسمعني

ولا على باله .. انا بروحي هالايام نفسيتي كله تعبانة وادور الشارة بس عشان اصيح بسبب الحمل و وضع الجنين

في بطني مضايقني لان ليلحين راسه فوق ومع هذا ما قدر وضعي ولا جاني يسكتني لما صحت

الحين احس روحي افضل لما فضفضت لكم


قولولي شنو اسوي معاه وعلى فكرة اهو مواعدني بعد الصلاة انروح نشتري اغراض للبيبي شنو اسوي اقوله

خلاص ما راح اروح لأني زعلانة واذا زعلت تتعب نفسيتي ولا اعرف اشتري شي .. ولا اطنشه ونروح نشتري

بس ماعطيه ويه . شنو اسوي؟

بليز انا اتقبل نصايحكم بصدر رحب بس مابي ردود تجرحني اوكية ومسامحة ع الاسلوب الملخبط