مشالله عليك
عيني عليك بارده
:26:

لا وين تروحين للحياه الاسريه

ياهلا ومرحبا فيك معنا

وترانا يالبنات حليوات نبي الشئ العدل علشان نحصل لنا احد:11::29::o

ونجي عندك بالاسريه والله الله بالضيافه العدله:time::27:

هههههههه:01:ههههههه:01:ههههههه

والحناء روعه للشعر عموما مع سدر :17:

هلا والله ومرحبا ببنيات حواء و حريمها:

و الله أني أحبكم موت ،،، و العذر و السموحة لكل من دخل موضوعي ،، وأعترف أني مقصرة مرة لاني نسيت الموضوع ما عاد دخلت لمنتدى الشعر ،، و توني ألحين أدخله مع العلم أنا منقطعه من مدة عن العالم ،، بس أول ما دخلت و قريت ردودكم و الله تضايقت من نفسي ،، بس ما عليه أبنزل لكم البرنامج الثاني الي مشيت عليه و الى الحين أنا أمشي عليهو بالتفصيل الممل بس علشان ما تزعلون مني ،،، و مره ثانية العذر و السموحة لاني كنت مشغولة في منتدى الاسرة ،، و بصراحة عجزت أوفق بين المنتديات يعني أذا دخلت منتدى أنشغل فيه عن الباقي ،، و الله ودي أدخل لمنتدى الطبخ من زمان عنه ( ما همها الا الطبخ ) خخخخخخخخخخخ

يالله عاد لا تزعلون و هاذي حبة على راس كل وحده منكن امووووووووووووووووووو ...

البرنامج الثاني:


أنتو أكيد صار عندكم فكرة عن حالة شعري كيف صارت ،،، علشان كذا راح أبدا على طول
بسم الله:.....
مدة البرنامج كانت ستة شهور ،، مقسمة على 3 فترات ،، كل فترة شهرين:
الفترة الاولى:
خلال الاسبوع: اليوم الاول أزيت شعري بزيت مكون من : ( زيت الخروع الثقيل + زيت الذرة حق الطبخ علشان يخففه ) و أجلس فيه لبكرة ثم أغسله بشامبو الاطفال،، و أتركه ينشف براحته...
اليوم الثالث: أحط على شعري خلطة مكونة من:( فنجان عسل + بيضة + فنجان عصير ليمون + فنجان زبادي + فنجان خل + فنجان أي زيت ) طبعا فنجان القهوة الصغير ،، و ممكن تزيدين الكمية على حسب شعرك ،، و بعد ما أحطه على شعري أغطيه بكيس شفاف و بعدين أحط القبعة البلاستيكية و الفه بشال قماش علشان ما يتسرب علي ، و أتركه من ساعتين الى أربع ساعات على حسب الاحتمال ،، والافضل تخلينه يطول شوي الى 6 ساعات ،، و بعدين أشيل الاغطية و أغسله بموية بس أنظفه زين ،، و أخليه ينشف مرةةة ثم أحط عليه زيت نفس الاول و أخليه الى بكرة ،، و أغسله بشامبو صانسليك بزيت اللوز و أنظفه زين ،، و أتركه الى أن ينشف ثم أمشطه و أجدله كم جديله ،،،
اليوم الرابع: راحة ....
اليوم الخامس: أعيد ما فعلت في اليوم الثالث ،، بحيث أنه أستعمل الخلطة مرتين في الاسبوع
وهكذا طوال الاسبوع على نفس النظام لمدة شهرين ،،
خلال الشهرين:
_ أبعدي عن الاستشوار نهائيا ،، و أنا كنت طوال الفترة أجعد شعري أو أجدله جدايل صغيرة أو أرفعه على فوق كعكا أو ذيل ،، وكنت أحيانا ألفه طاقيه بس...
_ سخني الزيت قبل ما تستعملينه ،، و قبل ما تحطينه على شعرك مشطيه على كل الاتجاهات بس بشوي شوي الى أن تحسين بحرارة في جلدة راسك ثم حطي الزيت ،، و أنا حيانا أجدله بالزيت ،، و أذا كنت مستعجله أحط عليه كيس علشان يعرق.....
_ اذا كنتي بتجلسين في البيت غسليه بشامبو خفيف مثل شامبو الاطفال بس مرة واحدة يعني مهوب لازم ينظف مرة.... و حتى بالشامبو العادي حاولي أنك تنظفينه من مرة واحده...
_ ترى الخلطة مرةةة ممتازة و فيها ريحة خفيفة تروح مع الغسل.....

قبل نهاية الشهرين باأسبوع جهزي الزيت التالي:
زيت زيتون + زيت خروع + 3ملاعق نوى محروق و مطحون + 3 ملاعق حنة أو سدر مطحون ) اغليهم على النار و بعدين أذا بردت صفيها في علبة أو قارورة و قفليها زين و أتركيها الى نهاية الشهرين....

الفترة الثانية:

مدتها شهرين زي ما أنتو عرفين خلال الاسبوع تقومي بالتالي:

اليوم الاول: نستخدم الزيت الي حضرنه قبل أسبوع ،، أزيت شعري ثم أحط عليه كيس و أخليه أقل شي ساعتين ،، و أحيانا أنوم فيه و من بكرة أغسله ...
اليوم الثاني أحط الخلطة التالية: ( زبادي + ملعقة خميرة + ملعقة حبة سوداء مطحون + بيضة + ليمون ) الكمية حسب شعرك ممكن تغيرين فيه نتركها عشر دقايق بعد ما نخلطها زين و بعدين حطيها على شعرك و غطيه بكيس ثم بقبعة ثم بشال و أتركيه من نصف ساعة الى ساعتين ،، و بعدين أغسليه بموية بس ،، واتركيه ينشف ثم زيتيه و جدليه و خليه الى بكرة أو اغسليه بعد على الاقل أربع ساعات...
اليوم الثالث: راحة ... اذا كنتي ماغسلتي شعرك من الزيت ،، غسليه اليوم بشامبو صانسليك أو أي شامبو ترتاحين له و أنا بصراحة أحب أغير الشامبو أذا خلص .. و يكون اليوم الرابع راحة لشعرك...

اليوم الرابع أو الخامس: أحط الخلطة مرة ثانية و هكذا الى أن يخلص الاسبوع ،، بحيث أستعمل الخلطة مرتين في الاسبوع...

و هكذا طوال الشهرين ،، و أثناء ذلك طبقي الملاحظات السابقة ،، بس تقدرين تستخدمين الاستشوار عند الضرورة القصوى و حاول أنه يكون مثلا مرة كل أسبوعين و على خفيف ،، أنا بصراحة حطيت الاستشوار عند أهلي لانهم بعيدين عني .....ا

لفترة الثالثة:

مدتها شهرين ،،، أنا استخدمت زيت النخاع التونسي الي من صيدلية السقاف بـ250 ريال ترى فيه تقليد له بـ 150 أو بـ 180 و الله ما دري بس ترى مهوب زين يدمر الشعر أستعملته أمي و مرة شعرها صار يتساقط بشكل كبير و لما سالنا العطار و هو ثقة مرة قال تراه مهوب نفس الاول أذا تبون الاول روحو للصيدليات أو المراكز الكبيرة تلقونه و فعلا لقيته عند صيدلية السقاف بنفس سعره الي نزل في الاول الي هو 250 ريال ،، بس ترى فيه بركة يابنات و يطول عندك يمكن سنة أو أكثر...
اليوم الاول: تزيت الشعر بزيت النخاع التونسي أو أي زيت أنت مرتاحة له ،، وانا كن بصراحة أستخدم زيت النخاع مرة ومرة زيت جوز الهند مخلوط معه زيت السمسم و كلهم من العطار الي بالكيلو و يعبيه لك في قارورة بنفسه...
اليوم الثاني: أحط الخلطة هذا: ( مايونيز + بيضة + ليمون + عسل + شوية خل ) و أخليها على شعري من ساعتين الى أربع ساعات طبعا بعد ما أغطيها بنفس الطريقة السابقة... أغسلها بماء و من ثم أنشف شعري و أحط عليه زيت الى بكرة ثم أغسله بشامبو و أخليه يرتاح ..
اليوم الرابع: أحط الخلطة السابقة و هكذا... الى أن تخلص الفترة...
و في نهاية البرنامج ،، تركت شعري يرتاح يمكن أسبوعين ،، ثم أستمريت على الزيوت مرة في الاسبوع ،، و الخلطات مرة كل أسبوعين يعني أذا كنت عند أهلي .. و أنت أختري الخلطة الي أرتحتي لها و أستمري عليه مرة كل أسبوعين فترة ثم مرة كل شهر علشان من يخرب شعرك مرة ثانية ..

و ترى يا بنات الشعر يختلف ،، يعني فيه وحده أخذت مني البرنامج بس سوته لمدة سنة يعني ستة شهور ثم أرتاحت شوي وسوته مرة ثانية ستة شهور ،، بس و الله أختها تقول لي أنها تدعي لك صار عرها مرة روعة خاصة أنها كانت دامرته بالفرد و الصبغة الى ان تقطع ،، بس الحمدلله مرة ارتاحت بعد البرنامج خاصة على خلطة المايونيز تقول مرةة أستفادت منها....

هذا هو كان برنامجي بس بصراحة يابنات تعبت تعبت مرةةة ،، بس الحمدلله كانت النتيجة تستاهل و انا في الفترة السابقة كنت حامل و سبحان الله كان حمل بس 6 شهور و نص و انا بديت البرنامج و بعد ما سقطت كان ما لا أي نفس بس الحمدلله انتهى قبل هذا و بعد ما طلعت من النفاس ،، رحت لحمولتي الي هم متعودين أنه اي وحد تطلع من النفاس يسون لها عزيمة عائلية و كنت مزينه شعري عند الكوفيره الي تعرفني زين و تعرف شعري فقالت لي: مرةةة شعرك متغير قلت لها و أنا فرحانه وش الي تغير فيه؟ قالت يعني في الاول ما كنت أخلص منه بسرعة بس ماشاء الله أحس انه شعرتك صارت مرةةة قوية و نعمت عن أول ،،، و انا مرةةة مبسوطة يوم رجعت عند أهلي ،، أنهبلو أخواتي لانه كان مرةةة روعة من لمعة و نعومة و طول و الحمدلله ....

عاد يوم رحت لحمولتي ،، حسيت أن فيه شيء يعني صايرين بس يطلعوني و بعدين قالت وحده من خوات حلالي: أيه ،، خليك كذا صايره مرةةة روعة.. و ضحكت ،، و بعده بأسبوع كان فيه الجمعه الاسبوعية مسكتني أخت حلالي الثانية على جنب و قالت: أبسالك بس لا تزعلين ،، انت فرده شعرك؟ ضحكت و قلت لها: ليش ،، أنا بس مستشورته؟ قالت: لا شعرك غير ،، أنت دايما تستشورينه بس ما يطلع كذا .. و الا خواتها الباقين يسألون معها ،، فقالت لهم عن البرنامج الي أنا سويته....

صار شعري بعد البرنامج طويل و ناعم بس مهوب لدرجة أني أستغني عن الاستشور و أحس أن شعرته صارت قوية و فيه لمعة رهيبة ...

بس انا ما صبرت رحت قاصته و صبغته ( خبلة ) حسيت أنه تاثر ، بس على طول عناية و رجعت على خلطة المايونيز مرة و مرة خلطة الخميرة مرة روعة ،، و التزيت و سويت حاجات ثانية لشعري بس أسمحو لي بعدين أكتبها لكم لاني تعبت......

و كلمة أخيرة ترى يا بنات الفضل بعد الله لبنات حواء الي لو لاحظتو فان أكثر الخلطات من هنا من منتدى الشعر مع بعض الاضافات من عندي و أختلف في طريقة الاستخدام و لا أنسى قوة الارادة و الصبر و دايما أدعو الله في صلاة أنه يصلح حالي ...
و كنت قبل ما أحط أي شيء على شعري أقول ( بسم الله الذي لا يضر مع أسمه شيء في الارض و لا في السماء )

هذا هو برنامجي , انشاء الله يعجبكم ،، واي استفسار انا حاضرة لانه هذا الايام أنا مسيره علي منتداكم......

و مرة ثانية تابعوا قصة شعري....

و سلامتكم،،،

الله يسلمك

ومتابعينك

مشكوره
مشكوره مشكوره
مشكوره مشكوره مشكوره
مشكوره مشكوره مشكوره مشكوره
مشكوره مشكوره مشكوره مشكوره مشكوره
مشكوره مشكوره مشكوره مشكوره مشكوره مشكوره
مشكوره مشكوره مشكوره مشكوره مشكوره مشكوره مشكوره
مشكوره مشكوره مشكوره مشكوره مشكوره مشكوره مشكوره مشكوره
مشكوره مشكوره مشكوره مشكوره مشكوره مشكوره مشكوره مشكوره مشكوره
مشكوره مشكوره مشكوره مشكوره مشكوره مشكوره مشكوره مشكوره مشكوره مشكوره
مشكوره مشكوره مشكوره مشكوره مشكوره مشكوره مشكوره مشكوره مشكوره مشكوره مشكوره
مشكوره مشكوره مشكوره مشكوره مشكوره مشكوره مشكوره مشكوره مشكوره مشكوره مشكوره مشكوره
:26: