موقفي يموت من الضحك اسمعوا....من زود الشطارة في صفنا والبلاسه معلمة الفيزياء ضاقت قيها الارض من كثر ما نصرخ عليها معلمة ...معلمة .....معلمة انا اجاوب ...معلمة ارجوج ...المهم المدرسة قالت افك نفسي قالت حطو اساميكم في سلة اسامي الصف كله واللي يطلع اسمها تجاوب ما ابغي احد يناديني معلمة قلنا لها زين المهم حطينا الاسامي صديقتي اللي تجلس جنبي ما عجبتها السالفة شالت اسمها من السلة من غير احد يدري تقول احسن ما ابغي يطلع اسمي ولا اجاوب المهم طاف اسبوع ولا مرة جاوبت ولا مشاركة ومطمنة على الاخير ان ما راح المعلمة تسالها شي.....المهم فكرنا نسوي فيها مقلب ان نحنا نكتب اسمها 10 مرات ونحطه في السلة ومن غير ما تدري المهم وجات الحصة واحنا ننتظر على احر من جمر الا المعلمة كتبت مسالة على السبورة وقالت لكم 5 دقائق تحلونها وبعدبن اسحب على اسم وحده منكم تطلع على اللوح المهم الصف كله يحل ويكتب ويفكر واختنا صديقتي اللي جالسة جنبي ضامنة ان اسمها ماراح يطلع وجان الملعمة تسحب الاسم وتقول فلاااااااانة وفلانه هذي ما في غيرها اهيه من الصدمة مو مصدقة انه اسمها تطاللعني جان تقولي انا قلت لها اي ما في غيرج فلانة جان تقوم تقول للمعلمة ما ما ما احم اه اوه اخ المهم ما عرفت تجاوب المعلمة قالت لها قعدي جان تقولي والله لا اعرف من اللي مسوية المقلب لاضربها ضرب وانا ساكته وكنت خايفة منها وبعد الحصة خبرتها وضربتني ضرب ولليوم نتذكر الموقف ونضحك شرايكم؟

8
8
8
8
ياشين النذاله هههههههههههههههههه

امينة حرام عليك


كل الا الاجابة على غفلة

يااااااااااشينها:09:

مشكورة أختي على الموضوع الحلو...

أنا بقولكم سالفة صارت الأربعاء اللي طاف

أنا طالبة في الصف التاسع

يوم الأربعاء آخر حصة... علينا موسيقى...

احنا قاعدين .. وطبعاً غرفة الموسيقى ... آلات وحالة..!! عارفينها أكيد

الأبله قاعده على كرسي متحرك...

يت وحده من البنات من وراها ودزت الكرسي... هاهاها

السالفة ما خلصت ...

الأبلة تنورتها كانت عالقة بالكرسي...

وبس دزتها البنيه...

انشقت التنورة...

والأبله طبعاً عصبت...

وطرشت بنيه تنادي الناظرة بس من حسن حظنا ان الناظرة طالعه...

قالت الأبلة...

ما راح أطوفها لكم..!!

يوم السبت بعلم الناظرة...

طلعنا من الحصة و يا يوم السبت و الأبله نست ولله الحمد ..!!

أدري السالفة ما تضحك بس ميخالف..!!:)

انا كنت ويا بنت عمي في نفس الصف
والمقالب ما اكثرها ... عاد انا كنت الاشطر والاقوى ...
ويا ويل الى يقرب !!!!!!

المهم في يوم وانا وبنت عمي وزعنا على بعض العلكه
وهاك يا اكل ونفخ فقاعات العلكه وطبعا لما المعلمه تلتفت على السبوره
المهم بنت عمي عجبتها سالفه الفقاعات ...
ونزلت راسها وتعمل فقاااااعه تزعم انها تتحداني!!!
عاد المعلمه تلتفت وتقول لها
ارفعي راسك من تحت الطرابيزه(مصريه)
وبنت عمي من الخرعه انفجرت الفقاعه على وجهها!!!!!!!
وما رضت تطلع راسها ابدا
لان العلكه صارت زي الدائره الكبيره متلصقه في نصف وجهها

طبعا مع اصرار المعلمه... طلعت وجهها قدام البنات
وهاااااك يا ضحك
بالذات المعلمه تعمدت تخلي كل البنات يشوفونها ..... عقابا لها