السلام عليكم ورحمة الله وبركاته
اليوم حبيت اعرفكم بنوع كبه اعتقد ان الاغلبيه ما جربه اهي كبة الاحساء او كبة الهريس
مشهورة باسم الاحساء لانها اكله عريقة عندنا كنوع من المقبلات مثل كبة البرغل والسمبوسه من المقالي لذيذة وخفيفه
جربيها ومراح تندمي ابد
وتصلح تتفرزن وتقليها في الفطور وعندنا حتى في المقبلات في البوفيهات تلاقونها مع كبة البرغل والسمبوسه والكبب
مقاديرها سهلة وممكن تزيدين الكمية
2كوب حب هريس
نصف كوب دقيق
ربع ملعقة ملح او على حسب رغبتك
الحشوة :
بقل
بصل أبيض
بقدونس أو كزبرة
كركم
كمون حطيت قليل ماكثرت
جبن شيدر مبشور أنا بعضهم حطيت فيهم وبعضهم ماحطيت
بس بالجبن أحلى
ملح إذا ماراح تحطون جبن
الحين الطريقة :
ننقع الهريس ونتركه 6 ساعات تقريبا
بعدين نصفيه
نفرمه في فرامة اللحم
ونضع عليه الطحين والملح
ونعجنها
نعملها كور ونفرد كل كرة ممكن باليد مو شرط بالنشابة اهم شي قبل الفرد نثري طحين
ونضع الحشوة في وسطها ونكثر الحشوة أنا ماكثرت وتحسفت
ضاع طعم الحشو بس سويتها مرة ثانية ومليتها حشو خخخخخخخ
وبعدين نلمها ونفردها مرة ثانية بس مانخليها رقيقة خليها
تكون سميكة شوي
هذا بعد مافردتها ثانية
ونكون الحين مجهزين جدر فيه ماء وملح وشوية زيت
ونتركه لين يغلي
وإذا خلصنا من فرد العجينة رميناها في الماي ههههههه
ونتركها ثواني في الماء ونشوفها كأنها بترتفع نشيلها
بعدين نتركها تتصفى وتبرد
بعدين نغلفهم أنا أغلف كل وحدة لحالها علشان مايلتصقون
وبعدين اصفهم فوق بعض
نتركهم في الثلاجة او علشان تطول نفرزنهم بعدين متى مابغينا نقليهم
إن شاء الله يحوز على إعجابكم
دمتم بخير
واتمنى اشوف رايكم فيها وتطبيقاتكم لها
:)منقول لاختي العزيزة summer day
الماركه @almarkh
محررة
يلزم عليك تسجيل الدخول أولًا لكتابة تعليق.
الماركه
•
بـداية جديدة :بس سمعت اسم الاحساء جيت جري تسلميييييييييييبس سمعت اسم الاحساء جيت جري تسلمييييييييييي
الله يسلمك حبيبتي
اهلين بريحة الحبايب الله يسلمك نورتوني بردودكم الحلوة
اهلين بريحة الحبايب الله يسلمك نورتوني بردودكم الحلوة
الصفحة الأخيرة
تسلم ايدك ومشكوره علي النقل