سويت امس العشاء اقراص الخضار واول مرة اسويها بها الطريقة
لانة متعودين نسويها مع اضافة اللحم بدون الخضار
ونسميها >>> خبز عروق
ولكن حسيت اللي بالخضار اطيب وافيد خصوصا
للي عندها اطفال وما ياكلون الخضار لحالة بها الطريقة ممكن تعجبهم
الطريقة \\
كوب \ خضار مشكلة ممكن تخطينهم بالخلاط حتى تنفرم شوى
انا ما فرمتهم
2 \ بطاطا مبشور
بصل مفروم + فص ثوم مهروس
كزبرة خضرة + بقدونس + شبنت مفروم
فلفل اسود كمون وملح + مكعب ماجي ممكن تسنغنين عنة
نص كوب \ طحين
وماء للعجن
تخلط جميع المقادير مع بعض وبعدها نضع الطحين
وتعجن بالماي رح تصير نفس العجينة
خليها ترتاح ربع ساعة بالثلاجة
وبعدها ابدي شكلي الاقراص ونقليها بالزيت
وهنا بعد ما استوت وتقلب ع الوجة الاخر
وهذى اقراص الخضار اللذيذة وتقدم مع الخبز والسلطة
وصحة وعافية على قلوبكم
يجزاك الله خير