اقرب اصدقائي صارت بالنسبه لي "اي شي" والسبب

السلام عليكم ورحمت الله وبركاته

بنات انا الله من علي بصديقه من طفولتي واستمرت صداقتنا الى ان كبر وتزوجت

كانت هذي الصديقه مثل اختي واكثر حتى من اختي اقسم بالله انها كانت بالنسبه لي

شي ثمين وحافظت عليه حتى بعد زواجي وزادت علاقتي فيها اكثر واكثر بعد الزواج

واستمرت علاقتنا بعد الزواج الى ان حان زواجها والله يشهد علي اني اول وحده وقفت معها في زواجها حتى تجهيزاتها من قمصان نوم وفستان زفاف وحاولت بكل جهدي اني اكون لها الصديقه الوفيه
هي عندها اخلاق رائعه لا كنها تغيرت بعد الزواج وكأن شيئا لم يكن
صارت ماتتصل ولاتسأل ولا تهتم ولا عندها مبلاه ولا بأي احد ونا ولله الحمد مو من النوع الثقيل الي يلزق يعني اقنع بسرعه والي يطنشني اطنشه فورا
هي الحين تتصل لكن في النادر جدا واتمنى انها ماعد تتصل ولا عاد اسمع صوتها

تدرون ليه
لانها صارت انسانه ثانيه كلو كلامها في زوجها وانه تاجر وانه يحبها ويموت فيها
وانه جاب لها جوال بقمة كذا و اخذها بيخت على البحر وانه فرح موووت موت يوم درى انها حامل توصف بشكل مبالغ فيه مادري ايش قصدها مع العلم اني ماحملت من تزوجت ولي ست سنوات يعني ماراعت مشاعري ابدا ومره جات عندي وكانت هذي الزياره بالغصب يعني لدرجه مااجت الى بعد سفر زوجها "وكل شوي زوجها يتصل فيها ويقولها اسمعي هالاغنيه اهديها لك وانا جبت لك جوال بقيمه كذا "
وهي فرحانه فيه موت صارت مغروره وشافت نفسها علي اهي واختها الي توها متزوجه بعد نفس الاسلوب ينظرون لي بعين الاحتقار ومبين حتى باسلوبهم
بنات انا كانت عندي ردت فعل قويه وصرت اتجاهلها بكل وسعي واتجاهل اختها
بعد ماكنو متجاهليني من زمان من غير ماادري
ولاكن احس بحزن لانها كانت هي صديقتي الوحيده والان اصبحت وحيده
وماعندي ولا اصحاب واعيش ايامي حزينه وكئيبه جدا
والحين انا احاول اني ماعد اكلمها ولا عاد اهتم فيها ابدا وتجنبها وابتعد عنها
وهي الحين بتولد ونا ناويه ماازورها ابدا في ولا دتها وادري انها بشيل في خاطرها مني

بس ماتعوض الصدمه الي انا شفتهااااااااااااا منها ابدا :( :(