اقرب انسانه لي بالدنيا تعالو انصحوني

السلام عليكم بنات هذي مشكله وحده من القرايب واتمني ماتقصرون معاها بالنصائح عل وعسي تتحسن نفسيتها
السالفه ومافيها علي لسان الحرمه عندها خالتها من نفس العمر بالضبط ممكن فرق سنه
وحده بينهم ويحبون بعض من يوم هم صغار وكانو دايم مع بعض وللحين مع بعض بس الي معور قلبها تقول احس خالتي ماتنبسط لما يصير لي شي حلو بالعكس احسها متضايقه مثلا لما انخطبت كان عمرها 22 تقول لا تتزوجين تو الناس اجلسي معاي وكذا وصار النصيب وظلو مع بعض عادي ماتغيرت العلاقه لما شافت زوجها يدللها اول الأيام قالت عنه خروف وبهيم والحرمه ساكته بعد سنه و8 شهور حملت وأول وحده طرت علي بالها تعلمها قبل حتي أمها خالتها اقرب صديقه لها ولما قالت لها سكتت وقالت تقومين بالسلامه يالله مشغوله بعدين اكلمك وسكرت بوجهها وكل هذا والحرمه تلعب علي نفسها وتقول لا اكيد خايفه انشغل عنها ولما ولدت جات زارتها ولا رضت تحمل البيبي ووجهها متغيروبعد فتره لما زوجها شجعها تكمل دراستها حاولت خالتها تقنع أهلها يخلونها تكمل دراستها بس طنشوها وقالو لها لو تبين كان من اول الي صار من أسبوع الحرمه هذي رايحه المشغل تقص شعرها وقالت لها فلبينيه بقرا لك الكف ومن باب المزح وافقت وقالت لها في وحده قريبه منك مره قرابه دم هي تحبك مره وتقرب لك وعلاقتكم حلوة بس ماتتمني لك الخير وفيها غيره منك الحرمه سكتت قالت لها تقدري توصفينها لي وسبحان الله جابت مواصفات مطابقه لخالتها ومن يومها وهي زعلانه ومهمومه حتي زوجها من قبل هالسالفه يقول لها احس خالتك تحبك صحيح بس تغار منك كثير لانه انتو قراب من بعض وهي حياتها محلك سر وانتي تزوجتي وصرتي ام وقربتي تخلصي دراسه وهي ببيتها ماحققت ولا شي بحياتها وممكن هالشي يسبب غيره او حقد
حاليا الحرمه تقول ماادري وش اسوي بس مستحيل ابعد عنها لأننا نحب بعض ومستحيل أقول لها انتي ماتحبي لي الخير او تغارين مني بس مو عارفه تتصرف عشان ترتاح نفسيتها من جهه خالتها وتعبانه كثير ومحتاجه منكم حل او نصيحه عشان ترتاح وياريت ماتقصرون معاها انا برسل لها الرابط والف شكر لكل وحده بترد ولو بدعوة حلوة الي هالانسانه وربي يرزقكم ماتتمنون ياااااارب