اقرف اكل شي منها

السلام عليكم
صديقتي اعزها ومن ايام الثانوي معي لي تقريبا
معها ٩ سنوات هم ناس احسن من حالتنا يعني ابوها ضابط
بيتها قصر عندهم خدم بس للاسف اكتشفت فيها طبع
انا بنظري وصاخه بس هي مادري كيف عادي تسويه
استغرب بنت وحقين سفرات وفلوس وتسوي هالحركات!!
دايم يابنات بكل جلسه صرت الاحظ إصبعها بخشمها
انا انقرف حتى من البزر اذا صلح كذا كيف حرمه كبيره
وعلى وجهه زواج واذا ركز فيها الواحذ تؤخر إصبعها
لاتقولون ممكن حكه بالخشم او شي لا لان اكثر من مره
بالجلسه تدور باصبعها جوا خشمها
ثاني شي رجولها تخيلو وانتي بجلسه
وتقهوين ترفعين راسك وتشوفين صديقتك
تقشر الجلد الميت اللي برجولها وتجمعه بيدها
اقسم بالله اقسم بالله هالموقف اكثر موقف اقرفني
وصعقتني منها وقلت كيف كنت اشرب قهوتها وهي بهالوصاخه
والله انها جلسة ممكن ربع ساعه تنتف الجلد الميت
اللي برجلها وتجمعه بيدها وأخر شي البنت اللي معنا
قالت وع وش تسوين انتي قالت مدري لازم اذا تحمست
يالسوالف اسوي كذا
اخر شي انا جايبه مره كنا بنطلع شاليه
وكانت علي اغراض السلطه وجايبه بليله وذره معلبه
مادريت الا فاكه علبة الذره وتاكل من جوا العلبه
بالملعقه وتعطي اللي معها تاكل من نفس العلبه
يدخلو الملعقه وياكلو ويرجعوها ومادريت الا بقت نص الذره
وتكبه ع السلطه بكل بساطه وتوزع ع البنات من بياكل عقب قرفك
انا رفضت قلت مًو مشتهيه سلطه وفيه بنات
ماشافو اللي صار فعادي اكلو
مشكلتي الحين صايره اقرف اكل او اشرب اي شي منها
اي شي هيرتجيبه مأكله الا اذا كان جاهز
وش الحل الكل قام يلاحظ وهي لاحظت