اقروا قصتى مع ولدى الكبير واستفيدوا

السلام عليكم ورحمة الله وبركاته
انا ادخل المنتدى كثير واقرا واطبق واستفيد والحمدلله استفدت كثير ما تتخيلون وش كثر استفيد منكم وانا من النوع اللى اذا قريت شى مفيد واقتنعت فيه اطبق على طول واطلب من الله الاعانه والتوفيق والاخلاص وفيه اشياء تحصل او احداث على طول اتأكد انه من فضل الله علي ثم من الاشياء اللى استفدتها وطبقتها منكم معليش انا طولت عليكم بس لازم ابين لكم فضل الله سبحانه ثم فضل هالمنتدى الله يجزىخيرجميع القائمين عليه وجميع العضوات اللاتى لا يبخلن بما لديهن من معلومات او تجارب
نجى للقصه طبعا انا اطبق الاستغفار فى كل وقت وبدون حساب لكن مايقل عن 1000 مره باليوم وكذلك اعوذ عيالى مع اذكار الصباح والمساء واسأل الله ان يحفظهم من شر انفسهم ومن شر الشيطان وشركه وان يقترفوا على
انفسهم سوءا او يجرونه على مسلم واستودعهم الله كذلك مع اذكار الصباح والمساء
ولدى الكبير الله يصلحه منتسب بجامعة بجده وحنا بالرياض واذا جت الاختبارات يروح لجدة عشان يختبر وفى يوم وهو بجده تذكرت الشيشه لانها بجده مشهوره للاسف واستخدامها يعتبر مشهور ولا فيها شى عند الغير ملتزمين الله يهديهم ويعافيهم مما ابتلاهم طبعا يسمحون لى اهل جده ومع انها انتشرت عندنا للاسف فى المقاهى لكن لازالت عندنا يستخدمونها بالخفيه وتعتبر عيب غير انها حرام المهم اللى حصل انى انا ما ادرى وش اللى خلانى اخاف ان ولدى يستخدمها قمت كتبت رساله بالجوال حرصته على الصلاة وحذرته من تضييع الوقت فيما لاينفع وخاصة من الدخان والشيشه وارسلتها له بعد ما انتهى من الاختبارات وجاء للرياض سألنى عن سالفة الرساله وش اللى خلانى ارسله له قلت له انه خفت عليك انك تسوى شى يمكن يضرك لانك لحالك ويمكن من الزهق والملل تفكر بشى ماهو صح وحبيت اذكرك بس قالى ان فى اللحظه اللى وصلته الرساله كان بالمقهى وكان طالب شيشه يقول وانا امسك اللى ابشيش وصلت الرساله ويوم قريته خفت واستغربت وشلون تاصلنى هالرسله منك فى هاللحظه يقول رميت اللى حق الشيشه وطلعت وانا انتفض من الخوف ومن الدهشه ومانى مصدق ويقول انى كنت لحالى ما معى احد كنت اقول احد قالك وقام يحب راسى ويتسامح من ويدعيلى قلت هذا اللى صار بقدرة الحكيم العليم اللى مايخيب من التجا له هو اللى يحفظكم سبحانه خير حافظ ....ولى عوده مع القصه الثانيه مع نفس الولد