اقروا قصتي وصبروني الحمدلله على كل حال

اللهم اجرني في مصيبتي واخلفلي خيرا منها
تعرفون قصتي مع المنشطات المهم ................................
عملت تلقيح صناعي مراات كثيره وفي اخر مرره قبل موعد الدوره حسيت اني مشتهيه حوامض بدل الحالي اللي اشتهيه قبل الدوره قلت انشالله خير
وقبل موعد الدوره ب5 ايام عملت تحليل بول وطلع موجب قلت الحمدلله ربي عوض صبري خير
بعد النتيجه باسبوعين جاني نزيف وضاق صدري قلت اكيد اجهاض بس وقف بعد اسبوع وراجعت الطبيب عمللي التراسوند وسبحان الله طلعت حامل ب3 اجنه ( قولوا ماشالله ) واحد منهم كان ببداية التصاقه عشان كذى كان الدم مع اني استعمل ابر التثبيت من يوم النتيجه بعدها فرحت فرحه لاتوصف ولا قلت لاحد ابدا بس حتى ام زوجي ماقلتلها الين جا رمضان اضطر زوجي يقولها لاني مارحت بيتها ابارك لها دخول الشهر والدكتور مانعني من الحركه وكنت حارمه نفسي من كل شي في سبيل هالحمل يتم وحتى العمل اخذت اجازه منه
بالشهر الثالث عملت ربط عنق رحم وتطمنت 100% قلت خلاص بس استنى موعد الولاده باذن الله ولكن ارادة الله فوق كل شي
بالاسبوع ال16 جاني مغص فضيع من تحت جهة الحالبين قلت يمكن التهاب مسالك بوليه ولاراجعت الطبيب لاني ثاني يووم راح الالم بعدها ب3 ايام جاني مغص اسفل بطني مثل الطلق اضطريت اروح الطواري وانا هناك سبحان الله وانا منسدحه فجاه حسيت شي ينزل من تحت شافت الطبيبه طلعت المويه نزل جزء منها وعلى طوول تنويم وكان فيه نزيف لكن وقف بعد يومين قلت اوكي الحمدلله بعدها ب3 ايام رجع النزيف وكان اقوى ومن اول يوم يترجوني يفحصوني من تحت وانا رافضه لانهم يبغون يتطمنون على عنق الرحم والربط بس انا راااافضه من خوفي على الاجنه
اضطروا يعتمدون على الالتراسوند بالكشف واكتشفوا وجود انفصال بالمشيمه عشان كذى كان المغص والنزيف والزموني الراحه التامه بس من سريري للحمام حتى الحمام كانوا خايفين على منه وجابولي القيصريه اتبول عليها بس رفضت المهم
بعد النزيف الاخير بيومين وقف وقلت الحمدلله وارتاحت نفسيتي وانا ماشيه برضوا على الابر المثبته بعدها ب3 ايام رجع النزيف واضطروا يكشفون علي نت تحت بالذوق بالغصب يكشفون علي ووافقت وطلع فيه ضغط على عنق الرحم ونص الكيس نازل تحت ومفتح العنق 1سم تعبت جتني مضاعفات وقعدت بالعنايه المركزه يومين والطلق ذابحني بعدها ارتفعت حرارتي 40 درجه وعلى طول قالوا لازم ولاده لانه بيتسمم دمي لو ظليت ساعتين وانا رافضه وجاني انهيار عصبي اقول بس ابغى واحد على الاقل وهذابارادة ربي واضطرت الطبيبه تدخل الحديده عشان تفك الربط واولد كنت باخر الخامس وانا رافضه اولد لدرجة ان الدكتوره قالت لزوجي خذ زوجتك بره المستشفى مو مستعدين تموت عندنا لاننا عملنا كل اللي علينا حتى الطبيب النفسي جاني بس مافي استجابه مني انا هذا كله وانا رافضه والطلق ذابحني موووووت هذا غير الالم النفسي الفضيع بالاخير اضطروا يخدروني تخدير كامل تحت طلبي وعلى مسؤليتي لن التخدير كان خطير علي بذيك اللحظه واللي ماخلاني اولد اني ماتخيلت نفسي ينزلون ال3 بولاده طبيعيه قدام عيني مااتحمل الوضع المهم ولدت ولاده طبيعيه باول يوم بالسنه الجديده نزلوا عيالي مني وقلبي يتقطع عليهم حسره بعد الولاده والبنج سالت عنهم قالو كلهم توفوا من تاثير الحراره واحد منهم كان لون ازرق مرره لان المويه كانت ناقصه عليه والرحم كمان التهب وتوفوا على طوول الله يرحمهم ويجعلهم يارب شفعاء لي يوم القيامه بعد ثاني يوم اخذهم زوجي وغسلوهم وكفنوهم تخيلوا الالم النفسي الفضيع والحمدلله على كل حال حتى الزياره رفضت استقبل اي شخص والله اني اتخيلهم واتخيل شكلهم بالاشعه الصوتيه يجننون بس ربي مااراد لهم الحياه . معليش عزيزاتي طولت عليكم ووالله اكتب اكتب لكم كل كلمه ودموعي بعيني ماوقفت حسره عليهم بس وش نسوي سبحان الله كل شي سويته خبيت خبر الحمل وابر مثبته وراحه تامه وربط عنق الرحم وادويه وعلاجات بالنهايه ربي مااراد ان الحمل يتم يعني لو ايش ماتسوين بالنهايه كل شي مكتوب ومقدر هو اللي بيصير , لاتنسوني من صالح دعؤكم ان الله يصبرني ويعوضني خير واحمل طبيعي من غير منشطات لاني كرهت شي اسمه تنشيط بعد العذاب والموت اللي شفته