اقرو حياتي وشوروا علي

ابغا ابدا من بداية زواجي انا اتزوجت رجل عمره 40 وعمري كان 27 انا جميله ولله الحمد ولكن زوجي حطمني من بداية زواجنا لامدحني ولاحسسني اني عاجبته وعشت اربعه شهور تقريبا ماقرب مني ولكن كان يعاملني بكل احترام ومايرفضلي طلب انا سرت افكر ايش ممكن يكون السبب ماعجبته؟ وللا يحب غيري؟ وللا ؟ وللا؟ بدأ الشك يلعب فيا واحيانا اقول يمكن عنده مشكله صحيه بس كنت احس انه رجال كامل واثق من نفسه وقراراته حازمه ودمه خفيف ويعتمد عليه عشان كذا سكت وماتكلمت الا بعد تقريبا ثلاثه او اربعه اشهر سرت ارسله وسايل احنا ليش كذا زي الاخوان وارسله انا ابغا اطفال وانا اصلا حبيته من ايام الملكه لاني حسيته رجال بمعنى الكلمه واحساسي مايخيب وكان يقلي متى ماربي اراد يجون الاطفال وقرب مني بعد مانهرت وبكيت وقلت وديني لاهلي وسار اللي سار وسار كل بعد فتره يقربني مره يعني احيانا كل اسبوعين مره واحيانا اكثر وارسله واطلب منه بمشكله مو طلب صريح يعني ليش ماتحبني ايش مو عاجبك فيا يقلي مافي شي مو عاجبني فيك وانا بعد مااكتشفت انه سليم معافى وماعنده مرض بدت الوسوسه والشك تكبر فنفسي كيف رجال قاعد مع حرمه ثلاثه اشهر فنادق وسفر وبحر ومطاعم وتماشي ونوم اخر اليوم على سرير واحد ولايقرب منها وهو وجال كامل ... هو كان يقلي انا استحي مو بس انتو اللي تستحون يالحريم ويقول انو كل يوم يقول اليوم ومايتجرأ
بس انا دحين مر على كلامي هذا سنتين بس مشكلتي الحاليه هي اني سار الشك عندي مرض مااعرف والله هو مرض وللا لا بس انا مره لقيته حافظ صوره فاضحه من برنامج عالجوال واعتذرلي وجابلي ورد بس انا مانسيت الصوره دايم انذكرها وهي. لها اكثر من سنه ونص وبرامج الجوال كمان القا اضافات عنده ومع هذا متأكده انه للتسليه فقط هو يحب الهرج والضحك بس سرت مااحس براحه لاني عشت تقريبا سنه وهو مايقرب مني الا عشان كان يبغا اطفال انا متأكده ولما حملت سار مايقرب مني الا فين وفين ومع الحمل حسيت اني محتاجته اكثر يقولون من الهرمونات المهم
الان عندي ولد وحامل وعلى وشك ولاده ولله الحمد ومعاملة زوجي ليا ولولده ياربي لك الحمد والشكر مافي وحده يعاملها زوجها بحب واحترام وتقدير زي زوجي مايعاملني
بس المشكله انا... سرت غيوره وشكاكه وافتح جواله واذا طلع او انا اذا طلعت ماارتااااااااااح ابداً ولا اتهنا بخرجه حتى لو روحت لامي اجلس اراقب الوتسب متى اخر مره دخل واذا طول مادخل اقول اكيد محمل اي برنامج من برامج الايفون وقاعد عليه او انه يخوني ... بس متإكده بنفسي انه مايخون بالجسد بس بالنظر لان البرامج يحملها بس ساير مايضيف ولايشارك بتويتر وعلمني عليه عشان هو عارفني اني غيوره وشكاكه بس انا قلت بنفسي مايشارك فيه اكيد يتفرج عالبنات ويطلع وياكثر الفساد بالبرامج ومسحه عشاني بس احس انه يحمل البرامج بالعمل عمله وقته طويل لحد العصر ... وبس ابكي وتعبت نفسياً ولحد الان اتحطمت ثقتي بنفسي لا البس ملابس زي المتزوجات والنقطه هذي كمان متعبتني اشوف الملابس الحلوه واتحسر مع اني اشتريت لجهازي ملابس حلللللوه بس مالبستها عشان ظروف بداية زواجي والان مر على زواجي تقريبا سنتين ونص ونفسي اتهنا واهني زوجي لانه سار يطلب مني يقول ليش ماتلبسين كذا بس انا ثقتي بنفسي معاه سارت صفر يعني حتى لو البس شي بسيط استحي واحس انه محيعجبه وانا محعجبه بس انا اكون طايره بنفسي لما اقيس الملابس واتحسر واتمنا يشوفني ويحبني مع انه دايما يقول انه يحبني بس يقول مايعرف يعبر
انا لحد الان الفتره اللي كنت عايشه فيها لوحدي ومقهوره على حالي فبداية الزواج مسيطره عليا كل مايعلق عليا وللا ينتقدني اقول مايحبني ماني عاجبته وهاااااااتك مناحه وبكا وشك .
وكمان فيه نقطه مهمه
داصبحت احس ان زوجي متغير فالفراش كل ماسوا حركه جديده ابعد عنه احس انه جايبها من برامج الايفون ومااستسلم له واسير زي الصنم او اذا شفت انه محمل برنامج كمان مااتجاوب معاه واسير زي الصنم ويجلس يحاول يحاول فيا بس مااتجاوب معاه . من قهري والله بس مااسويها كثير يعني فين وفين ..وابغا اسال هل الزوج طبيعي ماينام مع زوجته الا يوم فالاسبوع بس احيانا اكثر بس اغلب شي يوم فالاسبوع وهل ممكن تعب الدوام مايخليه ينام مع زوجته ويروح يسهر مع اصحابه للساعه 12 او 1