اقرو قصتي 💔

السلام عليكم ورحمة الله وبركاته انا بصراحه اول مره اشارك وتو مشتركه بهالمنتدى عشان اطلع اللي بقلبي ومدري من وين ابدا انا عايشت بحياتي اشياء كثيره من الهم والحزن والسبه ابوي والحمدلله على كل حال ابوي انسان قاااسي مره وظالم مافي احد ماظلمه انا وخواتي وامي للدرجة حتى انه مايهمه يزوج الوحده فينا من اهم شي اذا هو بيستفيد من زواجها مستعد يبعيها وبدون موافقتها انا الحين بتكلم عن ظلمه معي طبعن قبل 14 سنه كنت وقتها توي مخلصه ثاني متوسط جابلي عريس مو من جماعتنا واحد اكبر مني بسنين ومتزوج وعنده عيال طبعن انا رفضت وبكيت ومابقى احد لين ماتدخل من عماتي وعماني عشان يمنعون الزواج هذا مايتم بس للأسف مافاد ﻷنه عنيد وقلبه قاسي ومستفيد من ورا هذا الزواج ﻷنه هذا اللي بيزوجني ياه ابوي يبغى ياخذ اخته فقاله اذا زوجتني بعطيك بنتي طبعن ابوي تزوج اخته وانا بعد ماخلصت ثالث متوسط زوجني لهذا الرجالوليته طلع انسان مضبوط لكن في بيئه وصخه واحد حق بلاوي يستخدم حبوب وشكاك عشت ايام صعبه حتى دراستي أحرمني منها جلست ابكي وترجا ابوي تكفى خلني اكمل دراستي لا تطيعه برايه ترا حياتي مو مضمونه ولاهو بكفو بس للأسف ماسمعني قبل عشان يسمع مني بعد الزواج مايمر يوم الا انا ابكي فيه وادعي الله انه يفكني منه وتطلق بس يكون منه السبب مو مني ﻷنه اذا الطلاق صار وكان السبب مني ابوي ماراح يرحمني من الضرب لكن الله أستجاب للدعواتي والله خارجني منه بدون أي سبب مني وصار اللي ابغاه رحت ﻷهلي وكنت حامل وبعد الولاده طلقني ياربي لك الحمد ورجعت ببداية السنه كملت دراستي وطبعن ابوي ماعنده مطلقه تجلس وعيالها معاها يوديهم ﻷبوهم بس الله سخر قلبه لولدي وماوداه ﻷبوه يمكن انبه ضميره المهم مر بعدها كم شهر وابوي طلق امي .. وزاد الحزن فينا طبعن اناصرت المسؤله عن اخواني وخواتي عشنا حياه صعبه لو بكتب اللي عشناه ماتكفي السطور بس كل شي عنده ممنوع ومتسلط وحارمنامن شوفة امي يعني بالعنا نشوفها ومحسوب الوقت مرت اﻷيام وخلصت الثنوي بعدها بفتره رجع لعادته القديمه يبغى يزوجني غصب عني وناس هو يرتضيهم طبعن انا كرهت الزواج خلاص مع ان العيشه مع ابوي صعبه بس صرت اخاف اتزوج وبعدها اطيح بواحد فاشل قلت بربي ولدي وبكمل دراستي وبنتظر من الله يريحينا من ابوي وظلمه لا تواخذوني على هالكلمه بس ترا ماتدرون اش اللي عشناه قسم بالله بس نسمع حسه في البيت الكل يرتبك ويدخله الرعب زرع فينا الخوف بس ضرب وإهانه .... تقدم لي كذا واحد وانا ارفض وصار ابوي يضغط علي ويهددني انه يودي ولدي الين تقدم الي ولد عمي وانا في البدايه كنت برفض لكن اختي اقنعتني وقالت لي تزوجيه احسن لك وانامتفالئه فيه لاترفضينه ترا مانوا يخليك على احلامك اللي تفكرين فيها انك تكملين الدراسه وتربين ولدك ناوي يزوجك بالرضااو بالغصب ..وصار وتزوجت ولد عمي الله عوضني بالفعل طلعت من حياه صعبه وعشت حياتي بدون خوف ولاضرب عشت الحريه وكأني طالعه من سجن انسان طيب وموبس كذا مارفض ولدي بالعكس هو اللي بدا وطلب انه يجي ولدي معي وصار له اﻷب وعوضه عن حنان ابوه اللي أفتقده ﻷن ابوه ماكان يسأل عنه ولا يصرف عليه والله رزقني منه ببنت وبعد ثلاث سنين زواجنا مات زوجي مات اللي عشت معه احلى ايام عمري من عوضني انا ولدي عن كل شي والحين زادت معاناتي وهمي وجالسه أنتظر أش بيصير معي بعد الحداد انا في شقه ملك مو ايجار وخايفه من ابوي يجبرني على اني أطلع من شقتي وأرجع له سألت شيخ وقالي محد يقدر يطلعك من بيتك حتى لو أبوك ولكن مع ذلك خايفه وأنتظر أش بيصر معي هذي حظي والحمدلله على كل حال مكتوب علي الهم والحزن .. ودعواتكم لي أن الله يربط على قلبي ويصبرني على فراق زوجي