اقرو قصتي مع اطفال الانابيب

خواتي اشاووووووووووونكم ... وحشتوني والله ........ بأقول لكم شصار لي بهالفتره ... الدكتوره لما شافت تحاليل زوجي قالت خلاص بنسوي لج اطفال انابيب .... على فكره انه سليمه بس زوجي عنده العدد قليل والحركه ضعيفه .... عالعموم بديت العلاج واخذت الابره التحضيريه باليوم 21 من الدوره ورابع يوم من الدوره اللي بعدها ابتديت بأبر التنشيط 12 ابره وبعدها سويت تلفزيون قال لي الدكتور عندج 4 بويضات كويسه وحجمها ممتاز اكبر وحده 19 ولله الحمد ... واعطاني الابره التفجيريه وقال لي بعدها بيوم بتكون عملية السحب ... ولما رحت المستشفى طبعا مايدخلوني العمليه الا لما زوجي يعطيهم العينه .... وعطاهم زوجي العينه واجتمع فينا دكتور المختبر .. وقال ان العدد كافي بس الحيوانات المنوية ميته ماتتحرك:( ........ وقال احتمال النجاح 10% ... ولكم الخيار اما اني اسوي العمليه او خلاص ... توكلت على الله وسويت العمليه وسحبو مني 6 بويضات كانت ممتازه ... مااكذب عليكم بنات دخلت العمليه وانه ابكي لان الاحتمال ضعيييييييف جدا بالنجاح ... وقالو لي اتصلي اليوم الثاني عشان نقول لج اذا تلقحت .... اتصلت اليوم الثاني قالت لي الدكتوره بويضتين تلقحو بس ماانقسمو لان اذا ماانقسمو هذا يعني ان الحيوان المنوي ميت وقالت انتظري لبكره انتظرت نفس النتيجه... وقالت لي الدكتوره لازم زوجج يتعالج وبعدها بكم شهر بنعيد المحاوله ... وهذي قصتي :(
..... على فكره انه اتعالج عند نفس الدكتور اللي تتعالج عنده مجنونة قطر ولله الحمد هي ولدت بالسلامه وربي يخلي لها عيالها .. ويرزقنا ويرزق كل محرومه .... بس بنات حبيت اعرف اذا في وحده منكم حاله زوجها مثل زوجي وزوجها تعالج ... وهل له علاج ؟؟؟ افيدوني