اقرو قصتي ولاتبخلون علي بدعوه

صباح الخير
اخباركم ؟ ترددت كثييييييييييييييير اسجل وافتح قلبي لكم وتقولون لي حل
لاني تعببببببببببببببببببببببت حيل
بقولكم قصتي واعذروني لو طولت لكن تحملو وانتو بتقرون من البدايه ومستحييل تبخلون علي اذا
قريتو مشكلتي
انا متزوجه من 5 سنوات وعندي طفلين عمري 23 سنه تزوجت وانا 18 سنه هروب من اهلي
ومشاكلهم .. من طفولتي ماحسيت بشي اسمه حنان او كلمه حلوه او ذره حنان .. ابوي كان مدمن
يتعاطى وياخذ حبوب منشطه تسهره 4 ليال او 5 واذا راح مفعولها نام كانه ميت 4 ايام متواصله
لا صلاه ولا صوم ولا تعامل .. وامي ااااااااااااااااااااااااااااااااااه كيف اقولها امي كانت تخونه مع شخص
قريب لي جداااااااااااا .. كنا وقتها انا واخواني صغار ابتدائي نقول لابوي يبه امي تكلم دايم لحالها
واذا نمت نشوفها تسكر عليها الغرفه وتطردنا ماتخلينا معها ابوي وامي ينامون منفصلين تخيلو يابنات
اشوفها تدخل الرجال الغرفه معها وتسكر عليها وتخليني انا واخواني قدام الدش بالساعات ولاهمها
كنت اموت بالساعه ميه مره قهر وكل ماقلنا لابوي مايصدقنا يقول كذابين . مشت الايام ولما وصلت
3 متوسط صارت الفضيحه .. داومت زي كل يوم المدرسه بس قبل الدوام قالت امي اذا جيتو مالقيتوني
شوفو المفتاح في المكان الفلاني .قلت ليش وين بتروحين قالت بروح لجارتنا ام فلان . رجعت من
المدرسه الا ابوي قالب البيت فوق تحت .. ويصيح بوجهي وين امك ومتااااااااااااااااااثر باللي يتعاطى
يمشي ويصيح زي المجنون قلت قالتلي الصبح بتروح عند فلانه قال كذابه ماخلينا مكان مادورناها فيه
وينها قولي .. قلت مدري مدري تاكدت وقتها انا طلعت مع الحقير اللي معها وتخون ابوي معه
مرت ساعه الا هي جايه وكانت من تحت العباه كاشخه مسكها ضرب وين كنتي وحس ان اللي قلناه
تاكد ,, قالت كنت عند فلانه وكذبها وكل ماقال شي صرفته وحاولت تبرر وتبري نفسها .
والله يابنات ضربها ضرب ماتخيلون 3 ايام يعذبها تعذيب يبيها تعترف ولااعترفت .. رجع تذكر
كلامنا زمان واللي قلناه له وحنا صغار .. جاء مسكني بغرفته واللي يحرمني عيالي مااكذب عليكم
واخذ المسدس وعباه رصاص قدامي وحطه عند راسي .. قال تكلمين مع ميين امك تطلع ولا والله
والله ماطلعك من هنا الا جنازه ..تخيلو وحده في موقفي ومراهقه وخايفه وسلاح وعرض وامي
وابوي وسمعتي كلها زي الشريط تلف حول راسي .. قلت مع فلان .ومن قلتها راح لعندها وشق ثوبه
وطاح بينننا مغمى عليه مصدوم انا اكبر اخواني اخواني صغار وهالموقف يصير قدامهم مصيبه
والله مصيبه صحى بيننا وراح غرفته وطلقها طلقه وحده وصاح على اخوي يافلان ود امك لخالك
انا طلقتها خلاص
واحنا بس نبكي وجدتي تبوس ايده ياولدي استرعليها وفكنا الفضايح لان امي تصير بنت عمته
وماترضى جدتي بنت اخوها تنفضح وعلى ايد ولدها قال قوليلها تطلع من بيتي ولااشوفها انا خلاص
طلقتها . وانا وضعي غير اداوم المدرسه وانا ابكي ارجع ابكي انام ابكي سمعتي راحت وسمعه امي
وين اروح من كلام الناس
بعد محاولااااااااااااااااااااات وشهور رجعها له وتابت توبه من قلب لكن بعد ايييييييييييش؟؟؟
حياتنا من الاول مو ذاك الزود وبعد هالفضيحه صارت حياتي عذاب في عذاب .. رجعها له على باله
محد عارف وش صار بينهم ولا الاكيد ان كل الناس عرفو .. ومن رجعت له ضرب كل شوي
وظلم وشك وتحقيق على اي شي ويضربني انا ضررررررررررررررب غير كرهني لاني
اعترفت عليها يقول انتي كنتي ساكته وراضيه قلت يبه قلنا لك وعلمناك وانت ماسمعت وش اسوي
اي شي اقوله واي شي اسويه يضربني يقول انتي مثل امك .. صرت منعزله وكتومه ولااحب اطلع
لان ثقتي بنفسي معدومه ..احس كل اللي حولي يكرهوني مثل ابوي .. في المدرس ممتازه ودرجاتي
عاليه لاني كنت اطلع كل كبتي في المذاكره .. تحملت وصبرت وبس ابكي كل ليله وش ذنبي
وش سويت ؟ ليش يكرهني كذا ؟ حاولت كم مره انتحر ؟ لانه يقول انتي بنت حرام ؟ انتي مو بنتي
تخيلو ابو يقول لبنته كذا وانتي جراره على امك << اعذروني على الكلمه
وامي تدعي علي كل يوم لاني اعترفت عليها
صرت في حاله نفسيه محد يحسدني عليها طلعت لاول ثانوي وتقدم لي زوجي يخطبني من ابوي
واول ماخطبني وقالولي وافقت بدون تردد وتفكير من العذاب اللي فيه
لان الولد واهله مررررررررررررررررررررره طيبين قلت معاهم حياتي بتتغير وبنسى كل شي
بس كنت خايفه من شي واحد ؟؟ انه يعرف عن امي بعدين ويطلقني
سوينا الملكه وبعدها بكم شهر يسالني يقول انتي فيك حزن مو طبيعي ؟؟ وش فيك
قوليلي ؟؟ ترددت وبكيت وش اقوله ؟ امي خاينه ؟ ابوي مدمن ؟ وش اقول
قلت خايفه اقولك وتتركني ؟ قال قولي وش فيك ومستحيل اتخلى عنك
وقلت له كل شي وانا ابكي واشهق مثل الطفل من اللي فيني
قال انا جيت وعارف كل شي
وخطبتك وعارف بكل شي صاير في بيتكم ؟؟ بس هذا شي وانتهى وانا تزوجتك انتي واخترتك
انتي وماعليك بنتزوج وانسيك كل شي واوعدك صدقيني
وفعلا ولد حلال الله لايحرمني منه ليله زواجي ابكي على الكوشه مو مصدقه بطلع خلاص من عذابي
الحريم يفكرون ابكي ليش افارق اهلي ؟؟ وانا ابكي فرحه فرقاهم تزوجت ورحت بعيده منهم في مدينه
ثانيه وانبسسسسسسسسسسسسسسطت وسافرت ورحت وجيت واشتريت مع انسان يحترمني
ويثق فيني ورججع ثقتي بنفسي .. بس كل الكبت اللي كان فيني طلع مع اول حمل لي صرت عصبيه
ومااتحمل شي .. وافسر كل شي بكيفي . واعصب عليه وهو ساكت ولايقول شي
والله يابنات لي 5 سنوات معه ولاعمره تكلم على اهلي كلمه خايسه .. من كثر مايحترمني عندي
طفلين الحين بس نفسيتي صايره عددددددددم
عصبيه واضرب عيالي وانا كنت اقول قبل اتزوج عيالي مستحيل اخليهم يعيشون مثل ماعشت انا
وطلع العكس اللي محروم من شي مستحيل يعطيه
ابكي لا قربت منهم وحط كل واحد ايده على وجهه يقول ماما لاتضربيني
اخر الليل اقول وش فيني ليش صرت كذا عيالي صاررو نفس معاناتي ليش اسوي كذا
زوجي طيب .. وعيالي متعافين .. وانا مبسوطه وعندي بيت ملك واهل زوجي مرررررره
طيبين كل شي في حياتي من عرفت هالانسان تغيرت ليش اسوي كذا
تقولي اختي الصغيره تبغين ترجعين تعيشين حياتنا ؟؟ قلت لا مستحيل
قالت اجل احفظي بيتك ولاتخرسينه عشان ذكريات راحت وماتت .. بس ماقدرت
احس كل مكان يذكرني بالمصايب اللي مريت فيها
عيت تروح من بالي امي لما رجعت من برا وابوي لما هددني بالسلاح ولما شق ثوبه
بمووووووووووووووووووووووووووووووووووووت وربي
عجزت انسى صارت ماثره على حياتي مع زوجي وهو يقولي يابنت الناس هذي اشياء راحت خلاص
ليش تتذكرين قلت انا لاجيت عندهم قام ابوي يقول كل شي صار ويرجع يتكلم علي ويذكرني
كيف تبغى تكون نفسيتي ؟؟ ماعاد ابي اجيهم خلاص اكره حتى الديره اللي هم فيها
وش اسوي ياناس قولولي نفسي اتعالج عند طبيب نفسي يساعدني يمكن الحين تقريبا 7 او 8 سنوات
على المشكله هذي ولاقدرت انسى ولاقدرت اغيرحياتي
نفسيتي متآثره حييييييييييييييييييييييييييييييييييييييييييل واثرت حتى على عيالي وخوفتهم وذبحتهم
ضرب على اتفه شي

دلوني وادعو لي واللي يخليكم

:(