يا اختي اولا احمدي ربك وضعك احسن بكثير من غيرك

لا زعلتينى منك اختى..قولى الحمدلله والشكر لله اللى عنك كثيير شوفى عندك بيت ملك وغيرك ملطش بالايجار وعندك عيال وغيرك محسور ماعنده وعنك الصحه ومنك مريضه وغيرك مريض قولى الحمدلله
اللهم لك الحمد والشكر حمدا كثيرا طيبا مباركا ملء السموات والارض وملء مابينهما.

ياربي 13 الف ماعيشتكم عيشة كريمة اجل وش اقول انا وزوجي راتبنا في الخارج 35 الف طبعا عايشين عيشة ملكية وبنرجع السعودية هذي السنه وبيصير راتبنا 12 الف وش بنسوي يالله سترك

أكثري من الإستغفاار
وخلي زوجك يسوي مقطوعه ب25ريال كل شهر لحافظ كتاب الله
و100ريال لكفالة يتيم

والله وبالله راتبنا ماكان فيه بركه وحنا ساكنين بشقه رخيصه
ولا عندنا أطفال
فسوى زوجي مقطوعه من راتبه ل3حفاظ لكتاب الله
وكفل 4أيتام
ومداوين على الإستغفار
فبارك الله فمالنا ورزقنا الأطفال حتى الشقه أخذناها أغلى من الأولى
ومع كذا تبارك راتب زوجي
صحيح في نواقص بس والله الحمدلله أحسن من أول بكثييييييييييييييير
وبخصوص الناس اللي يقولولك ليش ماشريتي وليش ماحطيتي
ماعليك منهم ترى مايضيع بعض الحريم إلا كلام الناس
ولو تغطي بيتك بالذهب عيار21 إلا يطلعولك عيب هالناس
رضا الناس غاية ُ لاتدرك
والله يبدل حالكم للأحسن يارب

الله يرزقكم