اقرو والى ما عندها حل بس ارجوكم لاتحرمونى دعواتكم؟

السلام عليكم ورحمة الله وبركاتة

كيف احال اخباركم والله من كثر ما اقرا في هدا القسم صراحة صرت مرة معجبة بكم وبأراكم الى
تطرحوها

وانا صراحة قلت جاء الوقت الى لازم انى اكتب فية امكن القى عندكم حل

بصراحة انا لو تقرو قصتى حتقولو انى اطنش واعيش حياتى بس والله حاولت لكن للاسف احسة مدار الحول حولي الكل يدكرنى
الكل اشوفة قاعد يسألنى احاول اهرب مافي فايدة احاول اخلى روحى يا جبل ما يهزك ريح
انا دحين بنظرهم القوية الى ما تاثرت بشئ بس بداخلي اقوى سكاكين العذاب
انا الى اقول طز الباب الى مايرد انا الى ما تنزل دمعتى ابد
ما يدرو انى عيونى خلاص معاد تنتج دموع صارت ناشفة خلاص ماتت
انا عمرى دحين 21 سنة أنخطبت على ولد عمي وانا من ثالث متوسط وصرت مخطوبة له اربع سنين
صراحة كنت احس بلفرحة بلاهل كان اي شئ كانو يقولو خلاص لزواج فلانة الى هي انا نعمل كدا
خلصت لثانوية عقبها ملكت على ولد العم وطبعا بمناسبة هدي اخويا خطب بنت عمي الى هيا تصير اختة
وصارت الفرحة فرحتين
المهم صارت الملكة وكل شئ تمام
صرت ممكلة له حق حوالي شهر واحد بس
عقبها ترى اتصل وقالى بحرف الواحد با بنتى عمي ما ابغى اظلمك معي
ياريت كل واحد في طريق والله يوفقك
انا ما صدقت صراحةحسيت انة يعمل معى مزحة ثقيل مررة يحب يمزح
ارجع اتصل علية يرد وقالى بصوت عال انسي خلاص
عاد سكت ما قلت لاهلى ما قلت لاحد

نمت يومتها وتنميت الارض تبلعنى

ما يتصل على 4 ايام مرة ما دق صراحة خلانى ابدى افقد اعصابي
الا عمتى الى هيا امة اتصلت تقول لامى ابنها تعبان ما تدري اش صابة
االولد انسحر الولد جالس يقول ما يبغى زواج الولد يهلوس
تقول امي اش فية تقولها والله مدري اش صابة
صراحة الموضوع صار كمان له شهر
ارسل لي رساله
ما ابغى اظلمك كل ما افكر فيك احس بنار تبعدنى
هدا مش نصيبنا
خلاص احس والله بخنقة مدري اش صار...
طيب لية وينة قبل العقد ما يقول كدا لية حرام يبلبل علي كلام
والحين المجتمع صار الى شئ خلاص صارت حكاية في كل شئ
صديقاتى اتصلو عليا يقولو فلانة صدق الخبر الى سمعناه قلت لهم ايوة صدق قالت
اش حتسوى قلت لها
دامة تعبان
حصبر علية الى ما لها خير في زوجها هدى الله ما يبارك فيها حاحاول الصبر امكن يراجع نفسة
ما توقعت اى اهو

يتصل ويقولى
انا تعبان والله مو التعابنة الى انتى انا لو استمر معك حصير كل يوم اوديك بمستشفى وانا صراحة مو حق مستشفيات

صراحة قال هدي الكلمتين تمنيت الارض تنشق تبلعنى

يعايرنى لية
يعايرنى الى مرضنى حيمرضة ولاى حيشفينى كمان حيشفية

يومتها قلت لاهلى خلاص هدا الشخص مو بحق حد ينتظرة
وكمان مو شخص يستاهل نصبر علية تعبان لله الحمد والشكر قبل ليحصل شئ
ربي كشفة
ولد عمي هلي وناسي يعمل بيا كدا اش اش الى سويتة
انا اقول لو تعبان حصبر علية لاجل يشفى يقوم ييفهمنى غلط ويعايرنى
وخلاص ومن يومها الاهل صار بينهم شحنات
انا ما اصدق ابويا عمي اعمامى عماتى الموضوع كبر
صرت انا الحكاية
الاهل يخسرو بعض
المشكلة كبرت
انا بين 4 جدران اتمنى الارض تبلعنى ةلا اشوف الاهل يخسرو بعض

وبنهاية انا اروح فيها
الولد تعبان طيب قلنا شئ بس مو يتصل عليا ويسمعنى كلام يسم البدن انا لسى عند اهلي وعامل كدا لاجل انا عندة

اكيد حيحرقنى

وبنهاية خلاص فسخت وكل واحد في طريقة

بس السبب

الحين له سنتين الا والاهل ما مصفين النفوس
رمضان وكل واحد يقول كل عام لتانى من تحت انفة
العيد خلاص مافى عاد تجمع كمعتاد

كل شئ ضاع دحين كل ما اخرج محل لاحد قالى انتى الى كنتى على ولدك عمك لية اش حصل


<كل الحكاية انى صايرة مظلومة في المجتمع واصبحت وحيدة اشوف نظرات ابويا الله يحفظة وهو يسألنى ها تبغى شئ ناقصك شئ احس صرت همة حتى بلمصروف صار يزود >
يعنى معاملت الاهل الكل معايا صارت غير

انا خلاص احس الكل يعاملنى شئ تانى انا ما ابغى كدا ابغى اصير مثل اول بنوتة عادية مالها اي مسئولية

امي لصارت تخرج اي مكان ترجع البيت الا دمها ثاير تقول الناس ما يخلو حد بحالة
انا مشكلتى انة لو كان ولد ناس من برا والله والله ما يهز فينى لكن انة ولد عمي الحين لحصل شئ اشوفهم عندنا اشوف نظراتهم
اشوف عمتى الى الله يسعدها تسلم عليا وتقولى حقك والله ربي ما حيضيعة هيا تقولى كدا
انا ما اتحمل لية ابنها ظلمنى معة

يعنى اش نقول للعالم يعنى ناكل في اهلنا مهما صار الاسم واحد

ودحين عقب ما فسخت بعدها

ب8 شهور صار يرسل لى مسجات جوال
صراحة خايفة من هدا الشئ مانى عارفة صرت كل ما يرسل امسحها ما اقدر اوري بيها ابويا ولا اخوانى

اش حيصير الموضوع حساس

صراحة رسلاتة تعدبنى احس احس مدري بأش
ظلم نفسة وظالمنى ولا ادري اش النهاية

انا مدري اش نهاية رسالاتة انا بحاول اعرف اش بس ما ادري

اقول لاهلى ولا كيف ولا حيصل خصام وانا صدقت الموضوع هدي بين الاطراف

والضحية التانية بنت عمى الا هيا اختة كيف حنفتح موضوع زواجها من اخويا العلاقات خلاص تلخبطت
انا اخاف لو اوريهم الرسائل يقومو تحصل مشاكل

انا ادري طولتها معكم بس
لاخير ابغاكم تحسو بيا

حتقولو طنشي كيف اطنش وانا اشوف كل شئ قدامى يروح ابويا مع اخوانة اخويا مع خطيبتة
انا مو مشكلة الى صار صار

بس قولولي اش اعمل الله يجزيكم الف خير


ودعواتكم لى بظهر الغيب.