السلام عليكم.
اقري لاخر سطر وردي علي شعورك🤍
لو كنتي بكامل عافيتك وفجأه تعبتي تعب عارض
ورحتي للمستشفى وقالوا فيك مرض ماله علاج !
بتندمين ع حياتك اللي راحت ؟
بتحسين الدنيا تافهه او تحسينها تستاهل الهم والتفكير والحقد
خاصه الحقد والحسد على كل البشر والجنسيات
مو محدد لقريب او بعيد.
او بتحسين نفسك نظيفه وقلبك طاهر ولو حصل فيه شوية
حسد ع نعمه قعدتي تدعين لصاحبة النعمه بالخير والحفظ من الزوال
هالكلام قلته. بعدما تعجبت من بعض العضوات
موجوده هنا. وامنه لنعمه اللي هي فيها. ماتدري لو بلحظه
تنقلب حياتها فوق تحت. اما حادث بطريق
او مرض فجأه او موت بسريرها بعدما كدرت القلب وضيقة الناس واستحقرتهم
كثر الموت
وترى مو بس الموت ينخاف منه
الخوف من تبيعات اللسان ترجع لك وتصيرين
سالفة المجالس
بمعصيه تسوينها والناس تتشمت فيك.
ترى الشماته. والاستحقار لابد بيوم ترجع لصاحبها
لا تغرك ايامك. تجي عليك ايام تعضين يدينك ندم
هالكلام اقوله لقلوبنا قبل اي شخص بها الدنيا
اذا حسينا نفسنا فوق عن اي احد من الخلق
لابد نردع هالغرور
بكلمه ( كل من عليها فان )
لا صحه تبقى ولا جمال يستمر ولا شباب يعمر
واللي اعطاك النعمه قادر يسلبها منك برمشة عين واقل
بالمقابل حبيبات قلبي
اللي يمرون بالابتلاء اي ان كان نوعه
اصبري والله انك على اجر
اصبري وتحملي. والهم لابد له يوم يزول فيه
وصدقيني يكفيك اجر ( الصبر )
( لابد من يوم يرحل فيه الهم ويبقى اجر الصبر )
اي ان كان همك. سوا بصحتك او عيالك او زوجك
او قلة المال او كلام من الناس مضيق صدرك
او اي هم مضيق صدرك
تذكري انك قايمه قاعده نايمه كأنك بعباده لانك صابره
ومحتسبه الاجر عند رب العالمين
تذكري انك تكنزين لدار مافيها منغصات ابد
كامله.
لو زال الهم بالدنيا باقي اجرك عند رب العالمين
ولو استمر بالدنيا لابد من يوم وترحلين وتلاقين نتيجة صبرك
تنتظرك🤍
رساله من قلبي اتمنى توصل لقلوبكم كلكم
وربي يسعدكم كلكم. واسأل ربي السلام ان ينزل على قلوبنا
سلام تطهر به قلوبنا وارواحنا ونفوسنا.
وتذكروا ان مع الله ترتقي الروح وتطهر 🤍.
عصفوره ناعسه :) @aasforh_naaash
محررة فضية
يلزم عليك تسجيل الدخول أولًا لكتابة تعليق.
كلامك كله صحيح بس ترى طهارة القلب ونظافته من الحقد والحسد توفيق من الله .. فيه كثير ناس ودها تجرب طهارة القلب لان فيها راحه عجيبه بس ماهي قادره ابتلت بهالشي لكن نصيحه يابنات ادعو الله ادعوه بكل صلاه ان الله يوفقكم لكل مايحب ويرضى ولا تشمتتون ابد بالعاصي حتى مايبتليكم الله .. وجزاك الله خير ع موضوعك .كلامك كله صحيح بس ترى طهارة القلب ونظافته من الحقد والحسد توفيق من الله .. فيه كثير ناس ...
ليش يسمى (جهاد النفس )
لان الواحد يجاهد نفسه مو بس عن المعاصي والذنوب
لا وقت سجوده يدعي الله يطهر قلبه ويدعي للي يحسدهم بشي
ان الله يتم عليهم نعمتهم لان هالشي بيطلعه من هالشعور
لو احنا كل شي بنقول عنه ابتلاء !
يبقى الانسان مايجاهد نفسه ع شي
لان الواحد يجاهد نفسه مو بس عن المعاصي والذنوب
لا وقت سجوده يدعي الله يطهر قلبه ويدعي للي يحسدهم بشي
ان الله يتم عليهم نعمتهم لان هالشي بيطلعه من هالشعور
لو احنا كل شي بنقول عنه ابتلاء !
يبقى الانسان مايجاهد نفسه ع شي
وعليكم السلام ورحمة الله وبركاته
احسنتي يا عصفورة ناعسه كلام يسطر بالذهب الله يجزاك خير 👌🏻❤️
وانا مريت بدروس خلتني اصحى من غفله وسبات عميق بذكر اثنين منهم
الاول فتح لي الله باب رزق وبلا شعور مني مثل اللي تفاخرت وتعاليت به على الآخرين ثم اغلق عني هذا الباب وفهمت الدرس ان الله هو اللي يعطيني وهو اللي يمنع عني مثلي مثل الآخرين اللي كنت بدون قصد ولا شعور انتقص منهم مثل اني اردد عليهم انتو ماعندكم حياة ماعندكم شغل غير الشي الفلاني ثم تساويت انا وياهم وهذي حكمة الله ودرس من الحياة لي في تهذيب النفس .
الثاني من سنتين ونص او ثلاث سنوات تقريباً مرضت مرض مؤلم جداً استمر عشره ايام متواصله الى ان خف وبقيت اتشافى من بعده لشهور يالله رجعت لي عافيتي وخلال الايام الاولى من المرض وانا في عز الألم والله ان الدنيا بما فيها صغرت في عيني ولا تسوى مثقال ذرة وما كنت اطلب من الله غير العافيه وسبحان الله من بعد العشره ايام كأن روحي تطهرت وانغسلت وانولدت من جديد وفهمت درس عظيم عن التعلق انه لا ينبغي الا لله فقط رغم اني اردد دايماً قلوبنا مانعلقها الا بالله لكن من بعد مرحلة المرض اكتشفت اني كنت معلقه و حاصره سعادتي وراحتي وحياتي بتوافه وماديات واشخاص وكأن بدونها مافي حياة ولاسعاده ولا راحه وهذا المرض جاء علمني الدرس وصحيت من غفله وتعلمت الرضا والتسليم لله
واكيد مريت بمواقف وتجارب كثير غيرها على مر السنوات اغلبها مؤلمة وفيها صدمات ووجع لكن في عمقها وحقيقتها حكمه ودرس وخيرة من الله سبحانه وتعالى خلتني اتطور واتهذب من الداخل والحمدلله
كلنا بيجي لنا يوم نرحل من هذي الدنيا والله مافي شي يستاهل اننا ندقق فيه ونتصارع عشانه كل شي زائل الا وجود رب العالمين عز وجل
احسنتي يا عصفورة ناعسه كلام يسطر بالذهب الله يجزاك خير 👌🏻❤️
وانا مريت بدروس خلتني اصحى من غفله وسبات عميق بذكر اثنين منهم
الاول فتح لي الله باب رزق وبلا شعور مني مثل اللي تفاخرت وتعاليت به على الآخرين ثم اغلق عني هذا الباب وفهمت الدرس ان الله هو اللي يعطيني وهو اللي يمنع عني مثلي مثل الآخرين اللي كنت بدون قصد ولا شعور انتقص منهم مثل اني اردد عليهم انتو ماعندكم حياة ماعندكم شغل غير الشي الفلاني ثم تساويت انا وياهم وهذي حكمة الله ودرس من الحياة لي في تهذيب النفس .
الثاني من سنتين ونص او ثلاث سنوات تقريباً مرضت مرض مؤلم جداً استمر عشره ايام متواصله الى ان خف وبقيت اتشافى من بعده لشهور يالله رجعت لي عافيتي وخلال الايام الاولى من المرض وانا في عز الألم والله ان الدنيا بما فيها صغرت في عيني ولا تسوى مثقال ذرة وما كنت اطلب من الله غير العافيه وسبحان الله من بعد العشره ايام كأن روحي تطهرت وانغسلت وانولدت من جديد وفهمت درس عظيم عن التعلق انه لا ينبغي الا لله فقط رغم اني اردد دايماً قلوبنا مانعلقها الا بالله لكن من بعد مرحلة المرض اكتشفت اني كنت معلقه و حاصره سعادتي وراحتي وحياتي بتوافه وماديات واشخاص وكأن بدونها مافي حياة ولاسعاده ولا راحه وهذا المرض جاء علمني الدرس وصحيت من غفله وتعلمت الرضا والتسليم لله
واكيد مريت بمواقف وتجارب كثير غيرها على مر السنوات اغلبها مؤلمة وفيها صدمات ووجع لكن في عمقها وحقيقتها حكمه ودرس وخيرة من الله سبحانه وتعالى خلتني اتطور واتهذب من الداخل والحمدلله
كلنا بيجي لنا يوم نرحل من هذي الدنيا والله مافي شي يستاهل اننا ندقق فيه ونتصارع عشانه كل شي زائل الا وجود رب العالمين عز وجل
الصفحة الأخيرة
بس ترى طهارة القلب ونظافته من الحقد والحسد توفيق من الله .. فيه كثير ناس ودها تجرب طهارة القلب لان فيها راحه عجيبه بس ماهي قادره ابتلت بهالشي
لكن نصيحه يابنات ادعو الله ادعوه بكل صلاه ان الله يوفقكم لكل مايحب ويرضى ولا تشمتتون ابد بالعاصي حتى مايبتليكم الله ..
وجزاك الله خير ع موضوعك .