اقسم بالله اقسم بالله ما اصدق ان امي هي امي

بنات لاتقولون عني عاقه لامي لا والله أني طيبه معاها بمعنى كلمه الطيب وقسم بلله ماحياتي رفعت صوتي عليها
ولا حتى رفعت عيوني فيها بنظره واذا اعرف الشي يضايقها ماصلحه ابد واذا ادري ناقص عليها شي اجيبه لها وأعطيه ولدي الصغير واخليه يقولها هذي هديه مني ياامي عندي ولد وبنت يموتون عليها وينادونها امي والله مافحياتي دخلت عليها ويدي فاضيه مع أني ازورها أسبوعيا صارلي سبع سنوات
واجلس اسولف معها بسواليف اللي اعرف انها تحبها فقط

تخيلوا يابنات هي كيف تعاملني تفرح لمصيبتي مثلا مره كنت تعبانه أذني تعورني تخيلوا ماجلس احد ماقالت له وهي تضحك كل من كلمها قالت أذنها تعورهامسكينه تخيلوا غير كذا تكره الناس فيني بالغصب وتسبني في المجالس وقدام مين الناس اللي تعرف انهم يحبوني والله مو مدح فيني لاكني طيبه وراعيه اصول فإذا درت أني زرت احد تنقهربلمره بلمره ولازم تكلم ذا الناس اللي زرتهم عرفتوا واذا مثلا دق جوالي وسمعتني اكلم تنهبل وتقول مين كلمك اقول فلانه تقول ياحبي لها وتروح دقلها وتحاول تمرها فيني المهم أنا قلت يالله اهم شي عندي امي ما رح اكلم احد عندها وصلحت نفسي لاحد يدقلي ولاحد يزورني صارت وش تقولي شفتي فلانه ماشاء
الله عليها تروح وتجي ويجيهازوار وياماشاء الله عليها تحسسني أني منبوذه بشكل واذا صار مناسبه وقلت لها تروح معي ترفض بقوه واذا عرفت ان فيه احد تعبان او شي تروح وماتقولي مع ان اكثرهم من قرايب زوجي
يعني امي ماتصير لهم عشان طلعني مفهيه وغبيه قدامهم واذا اجتمعنا في مجلس تحاول طيح وجهي وتفضل
اللي في المجلس علي المهم أنا قلت لنفسي خلاص يمكن امي حرام ملت من زياراتي وغبت اسبوعين عنها وانا مشتاقه لها بقوه بس وش اصلح تدق على العالم وحتى على اهل زوجي وتقول ماعاد تجيني أمها ولاعاد تذكرني
وقسم بلله صار بيني وبين الجنون شعره والبنات صاروا يقولوا الله يعينك على تكتيمات امك صراحه قهر قهر قهر ياناس والفتره هاذي صارت تنافسني على سلفتي توها عروس وشايفه علاقتي فيها اوكيه ومنهبله دقلها وتراسلها والله يعين اللي قاهرني الناس جالسه تتفرج علينا
تكفون يابنات واسوني لو بكلمه والحكيمات الله يجزاهم خير ينصحوني يمكن أنا غلطانه وانا مدري