هالموضوع كني قريتة ورديت عليه منذُ مبطي..:29:
ونفس الفارق اللي رفع ضغطنا..:30:
لأننا توقعناها تدور علية بالأرض وطلع الفارق 2 سم!!
ليه مايكون زوجها قرفان من كونها عملاقة بالنسبة له؟!
عموماً سبق وتكلمت في الموضوع وأنا ماعندي إضافة على متغليتي..
سبحان الله إذا ردت قبلي تختصر علي الدرب..:32:
الله يكملها بعقلها يارب..:26:

طوله 170 وتقول عنه نتفه؟؟؟
وتقول ما احس انه رجال كامل الرجولة,
وتقول جربت الدعاء وجربت الصبر,

يا عزيزتي اذا اختك غالية عليك انصحيها انها تحمد ربها على النعمة الي هي فيها والله لا يغير عليها ويكفيها شر العقوبة,الله من وحدة في بيت اهلها تتمنى ربع زوج اختك,
ونصيحة مني لها لاتحط نفسها في مقارنات مع احد وتكون واثقة من نفسها,وتحط في بالها ان ما فيه احد راضي 100% عن حياته لا بد من شي ينغص عليه لكن الواحد يقول يالله عفوك وعافيتك,
اختي الغالية: انصحيها انها تتعوذ بالله من الشيطان ,ما عندي شك ان هذي احد مداخله عليها ليفسد حياتها,
وش بينفعها زوج طول بعرض ولكن ما يصلي؟
وش بينفعها زوج جسم متوازن ولكن مدخن؟
وش بينفعها زوج رومانسي لكن معها ومع غيرها ؟من صديقات يقابلهم ويكلمهم.
وش بينفعها زوج مدمن للقنوات الفضائية؟

الواحد يشوف بلاوي غيره ويحمد ربه على النعمة.

هلا اختي ماتهاب..
والله الموضوع عني مو عن اختك..
كنك توصفيني انا نفس الطول ونفس الفرق بيني وبين زوجي..
واحس احيانا اني امه..
لكن لايمكن اخلي هذا التفكير يسيطر علي ويكرهني فيه..
ليش اكرهه وهو ابو عيالي..
ليش اكرهه وهو مكرمني ومحترمني وماجزاء الإحسان
إلا الإحسان..
قدرني واحترمني وحبني بإخلاص وتغاضى عن عيوبي
وانا ادري اني مليانه عيوب لكن عيون المحب عن كل عيب كليله..
(كلامي هذا عن نفسي وموجه لأختك لأنها نسخه مكرره مني على
مايبدو)
ليش وانا بنت الحموله المحترمه احط نفسي بمقام واطي..
ان الكريم اذا اكرمته ملكته واللئيم اذا اكرمته تمرداااااا
ماهو مقام واطي اني انا بنت الناس المحترمه آخرتها اكتشف
اني لئيمه وبس..
يمكن لو كان شرير واشغلني بمشاكله وشره ماكان عندي وقت
افكر بطوله وعرضه..
لكن لأنه كريم ومحترم ويخاف الله فيني صرت ادقق بشكله وافعاله
وأيما امرأه طلبت الطلاق من غيرما بأس حرام عليها رائحة الجنه
او كما قال النبي الكريم..
خليها تتذكر هالحديث..لاسيما انها مافتحت عيونها على عيوبه الا بعد مده
طويله وبعد اولاد ..
يعني بالأول كانت راضيه فيه..
اول سنه راضيه..
جابت اول ولد راضيه..
ثم ثاني ولد راضيه..!!
والحين تفكر بالطلاق علشانه فجأه ماعجبها!
اختي موقف اختك غريب لاسيما انك تقولين انها عاقله ومثقفه..
لكن اسمحي لي اقولك انا متأكده ان دينها ضعيف..
والدلي إن ابليس متمكن منها وخلاها تحس ان حياتها مستحيله
بسبب تافه زي هذا..
انا زيها بالظبط لذلك قسيت عليها لأني خايفه عليها زي نفسي
اخاف تزل قدمها وتندم وماعاد ينفع ندم..
الله يهدينا وياها ويسخرنا لأزواجنا ويرزقنا حسن التبعل لهم ..

المفروظ هو اللي يقول هالكلام بسراحه تحمد ربها انه ما فتح الموضوع معها وجرحها هو اللي يتمنا زوجته اقصر منه وحلوه خاصه انه كافي شره ولا عليه لو وحده غيرها كان اعرفت قيمته...انااشوف ناس متزوجين ارجال من ناحية الشكل كمال طول وسامه ومراكز لاكن موطايقينهم من خيناتهم وتطنزهم حتي اولادهم تعقدو وقسم الشاكل مليان من هالمواضيع يعني اختك لو اخذه واحد من ذولا كان حست بأنوثتها ليت اختك تقرا الردود تقول رايها.

lawsi كلامك صح
وعيوشه الناس بالهبل من هذا النوع والله
وايش ينفع اختك انه طويل و الناس يقولوايالله ما احلاه وووو وهي ما تشوف منه الا الشر و البهذله
اعرف واحده مزوجه بواحد اسود شكله زنجي و هي قمر و معيشها اميره و سعيده و الله يهنيها
انا لما اتزوجت اهم حاجه لفتت انتباهي ان زوجي مو حلو خالص و قلت كذه يكون تمام ولا حد من البنات تعبره و هو ما يشوف غيري الي احبه بس كنت غلطانه لان الناس ما تحب الشكل ابدا الناس تشوووووووووووووف الطبايع و يحبوة لطبايعه الي للاسف انا ما احبها و الي هي اجتماعي مع الكل بنات وغيرة ووووووووووو الحمد لله على كل حال و الله يبعد عن اختك الوسواس و يصفي نيتها لزوجها ويسعدهم آميييييييييين