اقسم بالله اني في هم لايعلم فيه الا الله

السلام عليكم ياحوائيات
مالي الا أنتم بعد الله
لأني طفشت اللي حولي من كثر ما اشكي
انا كل تعبي في حياتي مع زوجي ،،ياناس والله كل مافرحت واستانست يوم اتنكد عشر ايّام ...اللي يصير بينا دايم سوء فهم ،،والله اني احترمه وأقدره ،،وهو مو شايف هذا الاحترام والتقدير ،،ماعمري خرجت معاه خرجت الا صار تصرف عادي برئ وتنقلب الخرجه نكد ،،حاولت اذا خرجنا مهما صار مانتخاصم احاول اجبر بخاطره بس تعبت ،،ع كل كلمه يبغى اتأسف واعتذر واترجاه يسامحني ،،بحكيكم موقف انا من وقت ماتزوجت ولي الحين ٨سنين مادخلت فندق واتفقت مع زوجي انه نروح الويكند اللي فات جده ف فندق منها نمشي العيال وقال طيب والله كنّا مبسوطين من يوم ماركبنا السياره بدأت المشاكل والزعل جالسين الأولاد اللي يصلحهم يلعبون وازعجوه قالهم اسكتو لااسمع كلمه وسكتهم وجالسه بألهيهم اسولف معاهم عشان مايزعجونه يوم تكلمت ايش تهزئ ايش خصام انتي أصلا ماتحترميني ولا تعتبريني شي انا ماقلت اسكتو طيب انا مافي بالي انه انا اسكت المهم تخاصمنا الين وصلنا الفندق قعدنا ثلاث ايّام والله كانت نكد ولا كأنه خرجنا المصيبه العالم اللي حولنا يحسبونا مبسوطين مستانسين واحنا الله العالم بحالنا ،،اوقات أقول فيه حسد فيه بلاء لانه اللي يصير والله مو شي عادي ،،