اقسم بالله اني مااكذبت بقصتي

السلام عليكم اخواتي الكريمات
يعلم الله اني اكتب لكم ونااابكي مدري من وين الاقيها ولامن وين
اقسم بالله العظيم اني ماكذبت باي شي ماعدا موضوع واحد وهو موضوع طلاقي وانفصالي من زوجي لاني شكيت ان اخت زوجي تدخل مواضيعي ولكن الحمدلله طلعت ماتعرف المنتدا ولاتدري عنه ولذالك نزلت سالفه اني تطلقت عشان اشيل الشك من راس اي احد يعرفني
اذا عرفو اني اتطلقت راح يروح من بالهم اني انا فلانه الي يعرفونها بالواقع وهذا من زود حرصي قسم بالله العظيم والي يعدمني عافيتي وبصري واعز واغلى مااملك اني مااكذبت بحرف واحد والي تقول قلتي ان بينك وبين زوجك ٢٨ سنه وبعدها قلتي ٢٢ سنه طيب طبيعي بااغير ببعض التفاصيل عشان مااحد يعرفني
المهم ي اخووواتي انا بنفسيه وحال مايعلم به الاالله وانا ببيت اهلي الان ورافضه ارجع له الا بعدمايجي يعتذر مني قدام ابوي وراح وكلمه الوالد وقاله انها تبغاك تعتذر منها وجلس يقول ماترضاهاعلي يبو فلان اجي واعتذر منها ممكن اجي ونتفاهم ونحل الامور بيننا بس اعتذار لاوالله ولكنه ماافكر حتى يرسلي واتساب وابوي يقولي ارجعي له وناابوك زوجك مابتلاقين زيه بااخلاقه ودينه وكرمه وطيبته ولاتخربين بيتك بس ي بنات انا قلبي محروق كيف يتهمني ذيك الاتهامات الباطله بدون وجه حق موحراام عليه ؟!يمين بالله والي يعدمني عافيتي اني كنت مشغوله على جوالي واتقهوا ولارفعت عيني بموضف الاستقبال ولافكرت فيه ولادريت عنه ولاعن شكله ولاادري كيف يكون شكله وخلقته عشان يتهمني هذا غير اوهامه اني الف واطالع على شباب بالبحر وواحد منهم جلس يطالع فيني هذا غير انه اتهمني انه لوخلاني اطلع للفطور لوحدي اني راح اجلس قدام الشباب وافطر ونا كاشفه وجهي قدامهم؟!سالتكم بالله كلامه مويوجع ويحرق القلب والي حولي يقولون لي لاتخربين بيتك ي فلانه ترا من حبه يغار عليك وانااقول هذي موغيرة ابدا هذا شك واتهام بالباطل ومرض نفسي ؟!؟!ماكأنه عارفني وعارف من اي بيت اناطالعه والي يقهر انه يقول لابوي بنتك ماتطيعني ابدا اناديها واناديها وانادي فيها ومطنشتني ولا ترد علي +هذا غير انها تبغى تطلع للمطعم لوحدها بالله فيه حرمه تسوي كذا؟!؟!عذر اقبح من ذنب يمين بالله اجل يبغاني اجلس بجوعي هومايبغى يفطر براحته ناديته مرتين وقلتله جوعانه ي فلان خلينا نطلع فوق نفطر بمما اننا حاجزين وحجزنا شامل الافطار رفض يقوم ويروح معاي وكلمته مرة ثانيه ورفض قمت قلتله على راحتك بطلع افطر انالوحدي وقام وفز وهو يتحسب علي ولبس ثوبه وطلعت افطرت وهوماحط لقمهةبفمه ووجهه عليه غضب الله 
ابغاكم تساعدوني وش الحل ي بنات الين الان انتظرة يرسلي ويعتذر مني ولاراسل ولااعتذر بس انا حالفه ايمان بالله ماارجع له الين مايعتذر ويندم على كلامه الي قاله بحقي ؟!تكفون شورو علي ي بنات ترون مالي غيركم بعدالله يمين بالله ماعندي الااخواتي وابوي ولااعندي صديقات استشيرهم ولااحد ابدا