اقسم بالله راسي انفجر

السلام
انا يوم اكتب هنا اكون مخنوقة ما اتحمل لاني اتنرفز اعصب بسرعة ما اتحمل جو الشحن والهوشات قلبي ماعنده تحمل بس قاعدة ببيئة اهل زوجي كلن يهاوش الثاني والمشكلة يتصالحون بعد ساعة ويادار مادخلك شر بعد مايعفسون بعضهم ولما اجي هنا اتكلم يجون النفسيات يخربون موضوعي سلامات قاعدة اكتب ببيتكم ولا بغرفكم
اهل زوجي
في ثلاثة اخر عنقود عندهم
واحد عمره ٢٦ والثانية اختهم الدلوعة عمرها ٢٥ والصغير خطيب اختي٢٣
هذا لي عمره ٢٦ يشتغل بالكهرباء هوايته من الصغر
انا جاية ومعاي اخوي للبيت
قلت خليك بكمل الحلويات وبعطيك حق امك واعدتها قال طيب
زوجي دخل البيت واخوانه ٢ معاه جايب ٣٠ لمبة قاله اخوه يلا بركبهم انا وزوجي استأذن راح يتروش وقعد الولد مع اخوي واخو زوجي الثاني يسولفون ويعلم اخوي واخوه ويثقفهم عن الكهرب
وانا مقابلهم بالمطبخ هم قريبين مني اسمعهم
الرجال طلع على السلم وقعد يفك ويشتغل
زوجي تروش وطلع عنده
قاله سود الله وجهك كيف شغال مع شركة الكهرب وتخرجت وانت لمبة ماتعرف تركب للحين ماركبت
قاله اخوه اسكت بس حشى قاعد افك الغام انا والله الغام هذي الوايرات تكهرب بعدين قعد يرجف
هدني يا ابن الكلب اتركني يابن الكلب واير ولد حرام ناشب فيني وقاعد يكهربني
اي والله قاله افصل ام الطبلون حقكم تحملو شوي بدون كهرب ولا خلني انقلع بيتي وجيب لك عامل يركبهم حرمتي ماتهنت فيني لنا شهور متزوجين في بنت جاية بالطريق تبغاها تعيش بدون ابوها بس تبغاني اموت امك فقدت ٢ بحادث واحترق قلبها تبغاها تفقد الثالث بسبة انوارك
قاله لاتقعد تنفخ والله الحين اشيلك انت والسلم حقك ارميك بحوض السمك هذا خلاص رايح افصله
ولد زوجي طلع معصب من غرفته ينادونه ما رد عليهم دخل عندي قال ليه تفصلين كهرب غرفتي قاعد العب انا مارديت عليه راسي دايخ ومنتهية
راح طلع رجع الطبلون وهو يفك الوايرات تكهرب شوي قاله عمه ليه رجعتو الكهرب بصوت عالي زوجي قاله شكله ولدي قاله العم افصل الوايرات شابكة مع بعضها
كمل شغلك بروح افصله وذاك شبكهم مع بعضهم واذ بوووم انفجرو بوجهه بقوة انخرعت من صوت الانفجار هو نزل بسرعة صار يتعرق خاف
قعد يستغفر واخوي جاب موية مسح راسه وزوجي يناظر ويضحك بعدين التفت حق ولده
قاله لعن الله شنب ابوك ليه رجعت وصلت الطبلون ياولد تبغى تموت عمك يعني
قاله احتريت شوي وانا صايم بعدين ما اقدر اكمل صوم اذا قعدت كذا عندي حساسية
عمه صار يصرخ على ولده
الولد جاوب بكل برود
ماتعرف تشتغل لا تتكلم
العم تجنن من جواب الولد قال حق زوجي شوف ولدك ايش يقول
قاله ماعليك منه ولدي هذا تراه مسكين فقير امه مو هنا تحملوه تحملوه مسكين والله لو امه هنا غير اكسره تكسير كل يوم بس امه مو هنا يصعب علي اني اسويله شي
قعد يقوله واذا امه مو هنا
والله لا اكسر راسه الحين
زوجي دبت فيه الحمية على ولده وقعد يهاوش اخوه تطور الجدال لهواش اخوه شال الزردية ورماها على زوجي
اخوهم الثاني يفك بينهم ويقلهم شفيكم احنا اخوان
تعالت اصواتهم وزوجي يهدد اخوه
واخوه يسب وطلع اللمبات يكسرهم وزوجي يدعي عليه لانه جايبهم من الرياض
طلعت برا اشوفهم قريب الباب
لقيتهم جنب الباب يتهاوشون اقسم بالله هوشتهم مضحكة مثل العيال الصغار
وزوجي يطرد اخوه يقوله
برا البيت فارق ياضلالي يلا وشلح نعاله رماه على اخوه واخوه سبه واخوي واخو زوجي يهدوهم
والنعالين جاو على اخوي وزوجي طرد اخوه برا البيت
جا اخو زوجي الثاني يخلص الموضوع جا زوجي طرده هو الثاني ورفسه قاله الاخلاق قفلت خلاص
بناتي يناظرون مستغربين وزوجي قاعد يتمتم اخوه سبه من الحوش طلع زوجي ورا اخوه كلمو هوشة شال حجر ورماه على اخوه جا بالسيارة حقتنا
والله هوشة غريبة بينهم اخوي عاتبه قاله ضربت السيارة زوجي قاله سيارتك ولا سيارتي مالك دخل
اخوي دخل عندي قالي
اعوذ بالله وش هالعايلة والله احنا ببيت اهلك مايطلع صوتنا برا ابدا كيف متحملة انتي والله راسي انفجر منهم كيف امك بتزوج اختك حقهم
جاني صداع منهم صدااااع انفجر راسي وانا تعبانة كنت نايمة تحت المكيف وجسمي مكسر وحلقي يعورني وتعبانة من الزعل على مرض ولد عمي واجهز للفطور وبنتي تبكي قدامي من يوم سمعت صوت الانفجار وهي تبكي وعيوني ماقادرة افتحهم
لبست عباتي وقلت يلا رايحة معاك قعد يقلل من قدري ويطقطق قالي
وين رايحين يالفقمة
اخوي قاله لو سمحت بوفلان تأدب معها هذي اختي صفقه كف خفيف قاله هذي حرمتي بعد اسكت
قلت بس انقلع انت وبيتك واهلك يلا جننتوني لحقني قالي افا زعلانة لانه اخوي الضلالي ماركب اللمبات
حلف مية يمين ما اطلع هددته اذا بيجيب اخوانه ويقعدون يسوون مبزرة غير اترك البيت كله والله مصدعة منهم بالله يبغالهم وحدة باردة تتحمل ما اتحمل انا في وحدة تتحمل كذا جوا مافي احد يتحمل استغفرك ربي واتوب اليك