اقسم وعاهد ورجع ثاني اخلف << زوجي العزيز

اخواتي السلام عليكم ورحمة الله وبركاته
حبيت قبل اعرض عليكم مشكلتي
انامسجله معاكم من زماااااااااااااان لكن مستحيه ومتفشله اقول من انا لاني كنت هنا في هذا القسم اقوم بدور المنصحه لبعض الاخوات اللي يعانون من الزوج
وبالاخص الزوج الخائن الزوج اللي تجرد من الانسانيه كنت اشوف المواضيع واقول الحمدلله ان زوجي مو راعي ذي الحركااات الحمدلله زوجي محترمني مقدرني محافظ علي مو تاركني كنت اقول الحمدلله زوجي مهتم في مشاعري
كنت اقول زوجي يخاف من الله مو معقوله انه يكون مثل هذول الرجال
كنت اشوف في زوجي كل شي كنت اقول اكيد زوجي يخاف يسوي كذا لانه انسان محترم ويخاف الله في نفسه وفي بنات الناس
كان زوجي نظر عيوني يعني عيني مقتنعه وما اشوف غير ه بالرغم انه ينقصني كثير من الاهتمام من زوجي لكن كنت خلاص مثل مايقولون الحب اعمى كنت احبه لدرجه اني ماقدر اتخيل انه يبعد عن البيت كثير ماقدر اتخيل انه يتركني ويروح وانا جالسه في البيت متعوده وجوده دايم معايه افتقده بسرعه لاني احبه
واحب حسه في البيت
كنت افرح يو م اشوفه داخل البيت وهو طيب كنت احب اسال عنه لا غاب لاني اشتاق له كثير وافكر فيه
وين ما تروح يازوجي وانا اقول يارب لا تحرمني منه

زوجي هذا اللي كنت اشوفه كذا كان مايشوفني كان مايهتم فيني الا على اخر لحظه
كان زوجي مايراعي اني انسانه لي حقوق كزوجه محتاجه الحب محتاجه الدلع محتاجه الحنان
كان زوجي يوشف ان هذا الشي خلاص كبرنا عليه
بالرغم اني اقوله تراني في احسن العمر وكنت اقوله احسن واحلى عمر للزوجه عمر الثلاثين كان يضحك ويقولي خلاص انتي عجزتي كنت اضحك عادي مايدري انه كان كل يوم يكسر فيني حاجه وكنت اتنازل لاني انا حبه وهو ما اخفيكم كان يحبني لكن بطريقه جافه يحبني يدلعني يلبي طلباتي بس بطريقه جافه
يتذكرني لازعلت يدلعني لا بكيت وزعلت كنت افرح لا تصالحنا افرح لا ضمني وقالي خلاص ياحياتي خلاص ياعمري كنت خلاص انسى كل شي واعيش حياتي مثل اول انسى كل شي ورا ظهري
هذا زوجي تخيلو معايه
اكتشفت من فتره انه يرسل رسائل من جواله على وحده ما راح اقول انها حقيره او ساقطه مثل ما الرجال يبرر موقفه ويقول هذي وحده حقيره ضحكت عليه
هي انسانه عاديه مثلها مثلي مثلكم انسانه انظلمت ممكن من زوج او من مجتمع او من ظروف قاهره جعلت منها انسانه تبحث عن من يعوضها
المشكله ان زوجي اعترف انه غلط وانه مجرد وحده كان يبي يساعدها
طبعا المساعده لازم يتخللها من الكلام الحلو
ومساء الخير وكيف الحال
سامحته وتنازلت وقلت ما راح اسال من وين وكيف لانه خلاص قالي وحده محتاجه وصدقته
وحلف وتعاهد معايه انه ما يتكرر الغلط حلف على نفسه وعلى عياله انه خلاص ماراح يتكرر الغلط
ولاني احبه صدقته لاني مخلصه معاه صدقته لاني محافظه عليه صدقته لاني امينه معاه في حياتي صدقته لاني ما اشوف غير صدقته لاني انسانه اخاف ربي صدقته
قبل اسبوع اكتشف رساله ثانيه كاتب فيها ياعمري بس اخاف تكونين غلطانه
يعني وحده مرسله عليه رساله
وهو رد عليها لاحظو كلمة ياعمري ؟؟ ياعمري ؟؟ ياعمري ؟؟ ياعمري ؟؟؟ ياعمري
وعمري اللي راح وانا محافظه عليك وصاينتك وعمري اللي راح وانا محافظه عليك انت غايب وانت حاضر
وعمري اللي راح وانا اخاف الله فيك وعمري اللي راح وانا اشوفك كل شي في عيوني
وعمري اللي راح وانا عايشه معاك على الحلوه والمره وعمري اللي راح وانا اشياء كثيره ناقصتني وكنت اقول كل شي يتصلح دام حنا مع بعض ولبعض وعايشين كل واحد محترم الثاني ومخلص للثاني

طلع زوجي مثل ازواجكم ياللي تشتكون من الخيانه والعبث
ايه طلع زوجي اللي كنت افتخر فيه واقول مستحيل يغضب ربي عشان هفوات صغيره ياكبرها عند الله
ايه زوجي حبيبي اللي احبه طلع كذا
خلاني موسوسه ترك في قبي نااار تغلي وافكار تروح وتجي
بديت من اول رساله سويت لها فلم وقلت اكيد انها طلبت مساعد مليون في الميه ماردها
اكيد قابلها واعطاها ولا ارسلها ولا عمل المستحيل عشان يعطيها
اكيد متواصل معاها مو معقوله حلف لي وعاهدني واقسم بربي انه ماعاد يكلمها
وهي محتاجه مساعده
طيب هو حلف لي وعاهدني وحلف على نفسه انه معاد يتكرر
ومع ذلك كرر الغلط بالرساله الثانيه مع وحده ثانيه

معناته انه من وقتها رجع للاولى وكلمها ولا ساعدها بفلوس ولا بغيره ولا اكيد مليون في الميه دامه حلف لي ورجع للغط اكيد انه ما ترك الاولى الا وساعدها وهو حلف وقال ماعطيتها شي
هي كانت تبي مساعده فلوس متاكده انه كذب علي المره الاولى متاكده
هو حلف واقسم وتعاهدنا وقالي اعاهدك بالله وبكتابه واعاهدك بنفسي وبعيالي انه ما يتكرر ذا الشي
وبعد مروور شهر ونص بالضبط رجع الغلط وربي كشفه لي مره ثانيه
انا ايش سوينت لك يا زوجي عشان تدمر حياتنا وش يرجع الثقه في حياتي
انا انسانه مثلي مثل اللي جالسه تدور على سعادتهم ماني جماد ولا حيوان انا انسانه ماينقصني عنهم شي غير اني كنت محافظه عليك ومقفله على عيوني وقلبي وماني شايفه غيرك سوا انت حاضر او غايب
وانت تصفعني وتجازيني بمعامله ما استاهلها منك
كنت احذره من النت وعواقبه
هو انسان ماكان يجلس على النت ولا كان يضيع وقته فيه
كنت اقول نعمه من الله مو مثل باقي المشاكل اللي كنت اشوفها
لكن تعرف على النت من حوالي ثلاث شهور بس وتعرف على الدردشات البال توك البلياردو
كل وقته يقضيه يلعب ويكتب ويساعد وانا وار ظهره تاركني وناسيني ناسي اني مثلهم محتاجه نفس اللي كان يقوله لهم من كلام او من مساعده او حتى يقضي الساعات الطويله معاهم كنت اقوله ياحظهم تجلس معهم كل هذا الوقت
كنت اقوله يابختهم ليتني انا مكانهم عشان تسولف لي وتكتب لي وتلعب معايه
كان يرفض دخولي للبلياردو عشان يغار عليه ويخاف عليه على حسب ما كان يقولي
لكن انا عرفت الحين ليه كنت تخاف يا زوجي
كنت تخاف اني اشوف العالم الثاني عالم كله يبحث فيه عن من يتونس معاها يخفف عليها باللعب بالمشاركه بالمساعده الانسانيه كنت تخاف اني اشوف كيف تعاملهم وكيف تكتب لهم وكيف تضحكهم وكيف تعرض عليهم المساعدات
تركتني وتركت حياة نظيفه صادقه خاليه من الكذب خاليه من الوساخه
ورحت تونس بنات ماتدري كم واحد طلبت منه مساعده وانت الضحيه الثانيه الثالثه العاشره المليون الله العالم
لكن ضحكوا عليك يا زوجي نزلو من قدرك ومكانتك اللي كانت عاليه عندي ليه ارخصت نفسك لاماكن تافهه لاماكن مقرفه اماكن مافيها الا ناس مريضه نا س ما تخاف من مراقبة ربي ناس تلعب على بعض ناس خاينه لبعض
ناس ماتعرف الاحترام لبعضها
ليه ماسمعت كلامي يوم اقولك انتبه ترا النت كله مشاكل كنت اقوله تعال اجلس معايه في عالم حواء تعال شاركني وش ارد عليهم وعلى مواضيعهم كان يتركني ولا يهتم فيني
كان كل تفكيره متى يدخل يلعب بلياردو عشان يلعب مع كم وحده مسكينه عشان يعرض عليها المساعد
ولا يلعب مع وحده يجلس يتكلم معها ويتناقش معها عن ظروفها وتبدا تقوله انا مطلقه ومسكينه وامي محتاجه علاج ويبدا هو دور الانسان المخلص الامين الطيب الحنون في انقاذها من الهموم والمشاكل
ليه يازوجي ما حافظت على بيتك
ليه لمن جلست على النت ما خترت المواقع المفيده
ليه لمن جلست على النت ما حطيت حدود بينك وبين ربك ليه ليه ليه
ليه مافكرت ان ربي بيعاقبك اذا ضيعت وقتك مع بنات لا تعرفهم ولا يعرفونك
ليه مافكرت قبل تغلط ليه تقولي انا انسان الشرع محلل ليه اربعه
يعني الشرع حلل اربعه لكن ما حلل الغلط تغلط وتقول انا عشان محلل الشرع ليه اربعه عادي من حقي ارسل واغازل واسمعهم كلام حلو ومساعدات
ااااااه ياقهري يازجي قهرتني
بعد اللي صار يقولي لاتلوين ذراعي اني غلطان ماقال انتي لك حق تزعلين لااا
تخيلو يقولي لاتهدديني
ليه يقولي كذا لاني قلت له ماعلمت احد مناهلي ولا ابي اعلم احد لاني مستحيه متفشله احد من اللي حولي يسمع ان زوجي اللي احبه قدامهم وامدحه قدامهم ولا اسمح لاحد يتكلم عنه
كنت اقولهم زوجي حبيبي مستحيل يسوي شي يزعلني
كنت اقولهم مستحيل ان زوجي يفكر يغضب ربي عشان تفاهات
مستحيه احد يسمع عني ان زوجي يرسل لغيري ياعمري مساء الخير وكم تبين ابشري
والله مستحيه مابيهم يعرفون ان زوجي صدر منه ذا الغلط
لانه كبير في عيني ومابيه يصغر وكنت اكبره عند الناس
وهو يقول لا تهدديني مافكرت فيك ولا في اللي عندك

انا حاليا في بيت اهلي وما افكر ارجع البيت الا اذا نسيتها وانا ماراح انساها لين هو يقولي تفاصيلها
لكن هو مازال يكذب ويحلف انه ماعاد يدخل يلعب وانه معاد يكتب لاحد وانه اللي طلبت مساعده ماعطاها شي وانه اللي ارسلها ياعمري مجرد فضول يعني كانه يقولي صدقيني الحين واتركيني بعدين ارجع اغلط

ناار تغلي في قلبي كل يوم ابكي وهو كل يوم يلعب كل ويكتب ويحلف عندي انه معاد يلعب ولا يكتب
طيب انت يازوجي حلفت لي وتعاهدنا وارجعت للغلط
يعني ببساطه ماتقدر تتركه لانه منت مهتم فيني منت شايفني انسانه
انا متاكده انك جالس الحين تلعب وتكتب وتضحك معاهم وانا هنا افكر ليه صار هذا الشي ليه انت وش تشوف اللي جالس تلعب معاهم
تراني مثلهم حرمه لي نفس الاحساس احس ولي نفس الحزن احزن ولي نفس الفرح افرح
مايختلفون عني بشي
غير شي واحد بس
اني انسانه اخاف من الله ومحافظه على نفسي ومحافظه على بيتي وزوجي
وهم لااااا

طيب ليه وش الفرق بيننا ليه تروح تدور على غيري وانا عندك ليه تروح للبنات تلعب معاهم وانا اترجاك تسولف معايه
ليه تروح تسمع مشاكلهم وتساعدهم بفلوس وانا عندك كنت اقولك كثير اشياء ناقصتني
طيب وش يفرقون عني ؟؟؟
ليه كنت تجلس بالساعات تلعب وانا ورا ظهرك ما فكرت تجلس معايه ساعتين على بعض نوسلف معايه
كنت في السياره تطول المسافه عشان ساكتين ولا فيه حوار نتناقش فيه ليه كنت كل ما احاول اتناقش معاك وافتح مواضيع تقلي انا طبعي كذا قبل تعرفيني ماحب اتكلم
انا كذا اذا رحت حتى لاصحابي ما اتكلم
طيب والالعاب اللي تلعبها معاهم والسواليف اللي تسولف فيها معاهم المواضيع والمشاكل اللي يقولونها لك وانت تساعدهم على طول
ليه التناقض هذا في حياتك
ليه سببت لي قهر وجرح في قلبي
كنت انتظرك ترجع البيت عشان تبرر اللي صار وتقولي وش سالفة الرساله
تدخل البيت بكل جفاف وتسالني ليه ماسويتي غداء كنت عارف اني زعلانه من الرساله لكن كنت تقنع نفسك انها انسانه مو مثل اللي العب معاهم
اللي اقابلهم على النت حريم حقيقين عندهم مشاكل وهموم عندهم الوناسه عندهم الحياه الحقيقيه وانا انسانه ماعندها مشاعر ماتزعل ماتحس او بالاصح تسوي نفسها تحس تسوي نفسها عندها مشاعر تسوي نفسها تبكي
ليه حسستني اني انسانه ناقصه واختلف عن الحريم؟؟؟؟
ليه تركتني مجروحه وقلبي يغلي من الحزن على اللي صار
بالسهوله تبغاني ارجع البيت وانسى ورايه عهد وقسم اقسمته على نفسك انه مايتكرر وفي شهر ونص تكرر
بالسهوله تبغاني انسى الرساله وصاحبة االرساله اللي محتاجه فلووس
انت صحيتني من غفلتي صحيتني من الغباء اللي كنت عايشه فيه كنت اشوفك كل شي في حياتي وكنت اقول زوجي هو كل شي وانت للاسف ماكنت تشوفني شي في حياتك غير انسانه لازم تكون موجوده في حياتك عشان تنظف وتكنس وترتب وتهتم في العيال :hahaha: