اقضي على ريحه الشعر من بعد غسلتين ..!!

السلام عليكم ورحمه الله

شخباركم حبيباتي ..؟؟

اليوم جبت لكم شي من تجربي انا ..

والحمدلله صار شعري احسن بكثير

قبل مده كنت اشتكي من ريحه شعري ..

اقوم الفجر عشان اخذ شور قبل الدوام لاني لو اخذت شور في الليل اقوم وريحت شعري طالعه :(

وما ارجع الا وريحه شعري تلوع الكبد ولازم اني اخذ شور بعد

كلكم بتقولون طبعا شي طبيعي من الحر بيطلع ريحه .. بس انا شفت نفسي بزياده .. وشي مو طبيعي ابد

حتى اني استغرب وقت الخميس والجمعه .. ما في دوام ولا اطلع بس من بعد خمس ساعات

يبداء شعري يفرز ريحه غير طبيعيه .. حتى اللي حولي يشتكون منها ..!!

ويحلفون اني ما تسبحت الا العيد اللي راح هههههههههههههههههههههههههه

بعد كيذا الوالده الله يحفظها ملت من ريحتي .. وراحت لمحل اسمه عالم الطبيعه

موجوده فروعه في منطقه الرياض .. في ((سوق الرياض مول .. ومجمع خريص بلازا .. والعثيم مول اللي على طريق خريص ))

اخذت لي منه كريم للشعر .. اسمه سائل الكراتيين .. خافي عيوب وفروه الرأس

وكمان سعره مو غالي 45 ريال بس .!!

طريقه استعماله

بعد ما تبللي شعرك مويه وتنظفينه بالشامبو .. حطي في يدك كميه من الكريم .. وافركي فيه فروه الراس
وخليه عليه شوي تقريبا 3 دقاايق او 5 .. وفي هالوقت تقدرين تستخدمينه على الجسم يعطي ريحه حلوه بعد ^^


بعد كيذا اشطفيه بالمويه لمن تحسين الكريم راح من الشعر .. وبعدين نعيما يا ستي .. :2thmup:

وكرري استخدامه كل مره تغسلين شعرك فيها ... وشوفي الفرق بنفسك ^^

والله يا بنات مكذب عليكم .. حتى صديقاتي في الدوام اليوم .. يقولون لي شعرك تغير وصار احسن من اول بكثير ..

وحبيت اني اكتب لكم عنه للفايده :) .. عسى انكم تستفيدون منه .. :)

وما ابي منكم الا الدعاء بالتوفق ..

واذا تبون اصور لكم الكريم .. ما عندي مانع :)