السلام عليكم
كيفكم يابنات ؟؟؟؟؟؟
:)
انا بدخل بالموضوع على طول انا اكثر من مره انزل لكم قصتي اني ساكنه عند اهلي لي جناح خاص غرفه وحمام الله يكرمكم ولنا مخرج خاص وزوجي يجي لي انا وبنتي خميس وجمعه لانه يشتغل في منطقه بعيده عنا انا كنت قبل ساكنه معه بس بسبب ظروفنا الماديه الصعبه وديونه قررنا نكنسل الشقه ونقعد عند أهلي الى ما يتحسن الوضع ..
والحين صار لنا ساكنين عند أهلي تقريبا اربع شهور بس ... كان في تفكيرنا نجلس اكثر الى مايتحسن وضعنا اكثر ويمكن نقدر نبني شقتنا اللي في بيت اهله بس انا طفشت وابي استقل بشقتي ... مع انه اهلي مو مقصرين معي ابد وكثر الله خيرهم متحمليني ومتحملين بنتي ... بس بنتي كل خناق مع اخوي الصغير زهقت منهم وصايره عنيدة وماتسمع كلامي كل شي يسونه هم تبي تسوي نفسهم وغير انه على طول في الحوش معهم مارضى لها تطلع بس ماتسمع كلامي مالي سلطه عليها مثل قبل وانا الحين حامل توني شهرين ونفسيتي تعبانه وعلى طول معصبه اقل شي اعصب واضرب بنتي ... اتحسف ليش اسوي كذا بس احس اني موقادره اتحمل
الحين شوي ظروفنا وللحه الحمد بدأت تتحسن مو كثير بس ان شاء الله احسن من قبل وزوجي ردة فعله مو عاجبتني احسه مو راضي انه احنا نطلع يبي نجلس اكثر انا مثله بعد بس احس اني موقادره اتحمل صرت عشان ابتعد عن المشاكل على طول في غرفتي بين اربع جدران والله طفشششششششت ماعندي شي اسويه وهذا بنتي ماتجلس معي حتى على طول تنزل انا اجلس فوق عشان ماتتخانق بس مافي فايده
اخاف ارجع للمشاكل مع زوجي الحين صار حبوب وعلاقتنا صارت افضل من قبل لما كنا مع بعض ... عكس قبل كل وجيهنا مع بعض وكل خناق وهو بسبب ظروفه مايتحمل اي كلمه
وانا ضايعه
احيانا اقول باصبر وبجلس الى بعد رمضان عالاقل واحيانا اقول لا خلاص بطلع انا وش ناقصني عن غيري ومن حقي الشرعي يكون عندي سكن خاص فيني انا ماطلبت شي فوق العاده ... وزوجي كريم ومومقصر معي بشيء ولو عنده ماقصر بس الظروف ... وفوق هذا من يجي اهله يطيحوا فيه طلبات يالله ودنا وجيبنا مايقدوا انه جاي وتعبان وعنده زوجه بنت ومسؤلين منه يعني مايخلوه يجلس وهو مايردهم وا يقول لا حتى اذا جى ما اشوفه عدل من كثر المشاوير
ساعدوني يابنات وشورا علي شسوي
بانتظاركم
:(
نور النور 1 @nor_alnor_1_1
محررة فضية
يلزم عليك تسجيل الدخول أولًا لكتابة تعليق.
ليمونه و دراسين
•
اب
طيب انتي ساكنه عند أهلك وشوله حاطه هالحزاززيات كلها
اقعدي معهم ووسعي صدرك والأطفال يتضاربون ويسكتون
بس اتوقع يمكن هذا من نفسيتك بما انك بداية حملك
اقعدي معهم ووسعي صدرك والأطفال يتضاربون ويسكتون
بس اتوقع يمكن هذا من نفسيتك بما انك بداية حملك
دامك تفكرين تطلعين بشقة
افضل شي تروحين مع زوجك
وتصير شقتكم وحده خصوصا وانك تقولين ان الظروف بدت تتحسن والحمدلله
افضل شي تروحين مع زوجك
وتصير شقتكم وحده خصوصا وانك تقولين ان الظروف بدت تتحسن والحمدلله
ميراج222
•
ايوة اتدكر ك يا اختي في موضووع لك زمان
انك عندكمشكلة مع امك ويا اخوك الصغير
مع بنتك وكنت نصحتك بالصبر مهمى يكن هده امك هداك اخوك عادي الاطفال يتضاربون ويتصالحون
يا قلبي
شوفي اولا انتي اصبري هانت
اصبري الين بعد رمضان دامك عندك مدخل خاص فيك واهلك ما مقصرين عليك الحمدلله
فكيها
قومي ساعدي اهلك في الطبخ والحلى
وساعديهم في تنظيف البيت
وخلي بنتك عادي تطلع تنزل دامها في بيت اهلك ولا تنسي البيت هدا هو الي كبرتي فيه يعني وش يصير لها
انتي امها كبرتي فيه وانتي الحين ام
عادي يا قلبي شكله الوحم اثر فيك ونظرتك للاخوك الصغير
الله يهدي النفوس اصبري وصابري يا قلبي ما في شيء بالساهل في هده الحياة
وسعي صدرك وتقربي للامك
وعيشي ايامك
ولما يجي زوجك اخرجووانبسطو
وربك كريم
انك عندكمشكلة مع امك ويا اخوك الصغير
مع بنتك وكنت نصحتك بالصبر مهمى يكن هده امك هداك اخوك عادي الاطفال يتضاربون ويتصالحون
يا قلبي
شوفي اولا انتي اصبري هانت
اصبري الين بعد رمضان دامك عندك مدخل خاص فيك واهلك ما مقصرين عليك الحمدلله
فكيها
قومي ساعدي اهلك في الطبخ والحلى
وساعديهم في تنظيف البيت
وخلي بنتك عادي تطلع تنزل دامها في بيت اهلك ولا تنسي البيت هدا هو الي كبرتي فيه يعني وش يصير لها
انتي امها كبرتي فيه وانتي الحين ام
عادي يا قلبي شكله الوحم اثر فيك ونظرتك للاخوك الصغير
الله يهدي النفوس اصبري وصابري يا قلبي ما في شيء بالساهل في هده الحياة
وسعي صدرك وتقربي للامك
وعيشي ايامك
ولما يجي زوجك اخرجووانبسطو
وربك كريم
الصفحة الأخيرة