قصيدة راقت لي وحبيت ان اضعها بين ايديكم
جبرك الوقت ترجعلي جبـرك وجيتنـي ندمـان
دمرك الشوق يا خايـن وجيـت تسابـق ظلالـك
عرفت الحب بغيابي وعرفت انك معـي غلطـان
تاكد مـا يشرفنـي طريـق(ن) دربـه وصالـك
تبيني اخضع لجل عينك وانا ما اخضع ومهما كان
اقـص الـراس قدامـك ولا اخضـع لأشكالـك
لعبت بحسبة جروحي وكتبت من الحزن عنـوان
ونسيت اللي يحبك موت وصار الغيـر يحلالـك
اذاغيري يبي قربك وصـرت فبحـره الغرقـان
نصيحه لا يموت الحـب ومـن قلبـي هنيالـك
تشب النار في قلبي وتنسى انـي معـك انسـان
تخالط بالشقـى هيلـك وصـب الهـم فنجالـك
بعد ما انقلبت الدنيـا تجينـي محتـرق ولهـان
وتقول ارجوك سامحني ووعـد منـي ابوفالـك
تبي قربي انا حاضر ولكـن بطلبـك مـن شـان
تشوف شلون لي عـزه تـرد الجـرح لامثالـك
أبي تبكي على شاني وابي تصرخ من الحرمـان
ولو اني بآخـر الدنيـا ابسمـع صـوت موالـك
ابيك تصير مجنوني ومن شافـك يجـي شفقـان
يقول شلون علمنـي وش اللـي غيـر احوالـك
تدل الدرب من دونـي وقدامـك سكـة الأحـزان
توكـل لا تنادينـي ويعينـك الله علـى حـالـك
وانا يكفينـي ذليتـك وحديتـك علـى الهجـران
تقول الموت من بعدك واقـول هنـااااك اشوالـك
غسلت ايديني من حبك وبرحل واهجرك يافـلان
فمـان الله وباقيلـك نصيحـه خلـهـا فبـالـك
ترى من يضحك الاول مصيره فاللعب خسـران
وانا من يضحك الثانـي عشـان احطـم آمالـك
ام فيفو @am_fyfo
محررة ذهبية
يلزم عليك تسجيل الدخول أولًا لكتابة تعليق.
الاميره داليا
•
وااااااااااو مررره جنان تسلم ايديك
ماهذا الانتقاء الرائع أحيانا الاختيار يصبح تالقا والانتقاء يدل على الشخصية فأنت قد كتبت وجعلتنا نرحل مع هذه الابيات رحلة العزة والانفه
لك جل احترامي وفائق مودتي
لك جل احترامي وفائق مودتي
ام فيفو
•
ماهذا الانتقاء الرائع أحيانا الاختيار يصبح تالقا والانتقاء يدل على الشخصية فأنت قد كتبت وجعلتنا نرحل مع هذه الابيات رحلة العزة والانفه لك جل احترامي وفائق مودتيماهذا الانتقاء الرائع أحيانا الاختيار يصبح تالقا والانتقاء يدل على الشخصية فأنت قد كتبت وجعلتنا...
مرورك الاحلى يااختي
الصفحة الأخيرة