سوي منيو(قائمه) لكل الاغراض وبدل ماتخلين زوجك يجيبها خلي محلات المواد الغذائيه يوصلون لك الاغراض -
التايد كرتون او كيس كبير وسعره (80-85)ريال
الفيري (جيبي من العروض الي يسوونها السوبر ماركات الكبار زي بنده ثلاث حبات ب(20 )ريال يكفيكي 3 شهور لأن كل علبه تكفيك شهر وزياده يمكن
ممكن تستغنين عن الفيري وتجيبين لوكس ولا سائل غسيل الصحون بنده مره حلو ورخيص
الكلوركس العلبه الكبيره(10)ريال خليه لملابس زوجك وخوذي النوع الثاني الي اسمه الكلوتكس او بنده تلقينه (5 ) ريال
صابون الايدي خوذي الجركل الكبير وعبي منها كل ما يخلص
اللينور خوذي لك الدبه الكبيره اوفر لك
الاكياس (زباله صغير وكبير ) اشتري كرتونه (14-15 ) ريال
السفره خوذي لك كرتونه احسن لك
الماجي الاصفر خوذي من الي مسوين فيها عرض كرتونين (18) ريال
القشطه تعاملي بالكرتون اذا كنتي من النوع الي يسوي حلى وخوذي لك ارخص نوع فيه نوعيات تجي الحبه ريال أو ريال ونص
الشطه خوذي لك الجركل الكبير وعبي بالعلب الصغار
الدجاج تعاملي بالكرتون ( 70) ريال
المفروم تعاملي مع الجزار افضل واطعم الكيلوا او كيلو ونص (15 ) ريال واغسليه بالمويه كويس واضيفي له( حزمة كزبره مفرومه وحزمة بقدونس و5 حبات كبار بصل مفروم وفص ثوم مفروم وملح وبهارات وفلفل اسود) واطبخيه على النار لمن يستوي ثم حطيه بأكياس او علب صغار وحطيه بالفريز افضل لك ومجرب
الصلصه نعاملي مع الكراتين الصغار احيانا يسووا عرض كيسين فيه 24 حبه ( 12-10) ريال وخلي وحده بالثلاجه والباقي بالفريز
الجبنه تعاملي بالعلب الكبار زي بوك (13 )ريال والجبن المثلث احيانا يكون بريالين
البسكويت استري كرتونه (15) ريال
البيض تعاملي بالطبق وتابعي العروض احيانا يكون عرض طبقين بسعر مغري
الحليب اضربي ضربتك وخوذي لك اكبر حجم من نيدو (57) ريال
الحفايظ الاطفال تعاملي بالكرتون بيبي جوي (50 ) ريال فيه 6 اكياس
البهارات من كمون وفلفل اسود وغير اشتريه بالكيلوا من العطارين وخليه بالفريز
الشاي اشتري تعاملي بالكرتون افضل لك
السكر تعاملي بالكيس الكبير
الارز تعاملي مع الكيس الكبير
المكرونه فيه اكياس رخيصه مره وممكن بالكرتون سعر بحدود(37) ريال
الخضار والفواكه تقريبا هي الي جيبوها على قدر حاجتكم
الورقيات مثل النعناع واكزبره والبقدونس فيه طريقه حلوه عشان يطول عندك ومايخرب قطي الاوراق بس من دون الاغصان وجيبي علبه وغطيها بمناديل ورقيه وحطي الاوراق وحطي بين كل طبقه وطبقه مناديل ورقيه وغطيه زين وحطيه بالثلاجه ويطول واسألي مجرب
المناديل ممكن تتعاملي بالاكياس الكبيره الكيس فيه (12) كيس صغير وكل كيس فيه ( 200) منديل اسمه مشوار وسعره (20) ريال
المناديل الرول حق المطبخ والحمام اشتري كيس كبير فيه 6 اكياس والكيس فيه حبتين سعرها (6) ريال

مشكوورين على المرور
أم جمون ماقصرتي يعطيك الف عافيه

خذي التايد بالكيس الكبير والاريال كيس ابو 10 كيلو والكلوركس بالكرتون واكياس القمامه سابك اللي بالكيس تجي بالكيلو وتكفي تقريبا سنه والقصدير والنايلون حق التغليف المقاس الكبير يكفي اكثر من سنه ومنضف القزاز الجالون الكبير وعبي منه وشامبو العبايات الجالون الكبير و صابون الايدي اذا تستخدمين السائل خذي بالجالون واذا تحبين القوالب خذي بالكرتون وشامبو الشعر خذي بالدرزن او6 حبات والفيري خذي بالكرتون والمناديل بالكرتون وكمان الاولويز بالكرتون والرز بالكيس الكبير ولو اخذت اكثر من كيس مافي مشكله لانه الرز اذا قعد يزين والسكر بالكيس الكبيرحتى الملح الحين جابوه بالكيس

هذي الحاجات توفر وما تخرب لو قعدت

بالنسبة لملابس الاطفال كم العدداالملابس التى تاخدها لموسم الصيف والشتاء................
فى المناسبات و فى المنزل والمدرسة ..........
نبي نستفيد من أفكاركم في الملابس ............

يعطيك العافيه ياصاحبة الموضوع

ولكن عندي تعليق بسيط وهو ياليت انك تكتبي ردودك للبنات كلها في رد واحد من غير اقتباس اذكري اسمها وبس افضل من اقتباس كل رد لحاله


حتى ما نجلس ندور ردود البنات وتتكرر بالاقتباس وناخذ وقت طويل في فتح الصفحات


وكل وحده ياليت تتبع طريقتي في كل المواضيع