اقف ببابك يا الله،، لا تردني خائبة

السلام عليكم
صارلي 3 سنوات متزوجة وعند زوجي مشاكل وقالولنا ما رح ينفع معكم الا زراعة والسنة الي فاتت قررنا انو نزرع وكنت بستنى بالدورة لتيجي لانو العلاج مفروض يكون وانا عندي دورة،، اتفاجأت وانا انتظر بالدورة بوجع في بطني وكنت عارفه انو الوجع سببه كيس ماء في الرحم،، طبعا عرفت هالاشي لاني دايما بس احس باعراض معينة ببجث بالنت فبكون رايحه للدكتورة وعارفة ايش مشكلتي :( فلما رحت عالدكتورة افحص قلتلها انا بستنى الدورة مشان ازرع بس هي اتأخرت وانا عندي وجع مش مستحملتو ببطني وهو اكيد كيس ماء ولما فحصتني قالتلي انتي فيكي كيس ماي وكمان حامل! انا انصدمت وقتها ومن الصدمة ما حسيت بالفرحة بس للأسف كان الحمل ضعيف وما استمر الا لشهرين ونزل،، حسيت انو الله خلاني احمل مشان ما اخسر مصاري عالزراعة عالفاضي لانو مش مقدرلي يجيني بيبي بهالوقت، وصارلي من السنة الي فاتت ما صار حمل جديد، بس هالشهر اتأخرت الدورة عني 3 ايام وكتير بدعي الله يكون حمل وكتير متوتره ونفسيتي تعبانة نفسي الله يرزقني بطفل يملي علي حياتي كتير تعبت والله،، بدعي الله من قلب صادق ما يحرمني هالفرحة
ادعولي يا بنات من قلب الله يسعدكم
والله يرزق كل انسانة كل الي بتتمناه
ربي لا تذرني فردا وانت خير الوارثين