اقلبي حياتك... فوق تحت!

كثير منا يعتقد ان المكياج والكريمات والخلطات وكافه المستحضرات اللي نستعملها على البشره..
هي الوحيده اللي كفيله انها تغير اشكالنا للافضل .. ومافي حل الا هي..
وانا معاكم وانا وحده من اللي تستعمل هالخلطات والمكياج .. مااستعمله..
لكن ياناس الاساس من الدااااااااااخل...
يعني من داخلك .. طريقه حياتك .. شربك .. اكللك .. نومك.. قعدتك .. صحتك..
كل عاداتك الغذائيه ونظامك في هالحياه ..
بدلي حياتك واقلبيها فوق تحت وغيري الكثيييير من عاداتك السيئه اللي كنتي متعوده عليها من زماااان..
خلااااااص.. يكفي .. لحد متى وانتي كذا!!.. تاكلين لما يمتلي بطنك وتنامين!..
او .. كل يومك اكل وبدون اي حركه ومجهود..!
او .. انك تاكلين عن اثنين ..!!!!!
او .. تنامين بالمكياج ولاتغسلينه..الا لما يصير مثل الاسمنت على وجهك ..!!
او .. نظام غذائك خاطئ.. كله دهون وقلي .. ومشروبات غازيه وببسي .. وحلويااات..!!
او .. عايشه على الفطره .. لارياضه ولاهم يحزنون ومخليه الدنيا سايحه..!!!!
او .. او .. او .. والله ماراح نخلص من عاداتنا..





وانا ماراح اتكلم عن الاشياء هذي .. الاكل الصحيح والرياضه وشرب الماي ... لان كلكم عارفينها.. لكن في اشياء وتفاصيل دقيقه في حياتك يمكن ماتنتبهين عليها.. تقدرين تغيرينها وماراح تخسرين اي شي..
بالعكس بتنتفعين منها اذا بدلتيها ..

:27: امثله كثيـــــــــــــره:27:
عندك بدل البنادول ممكن تستعملين الاسبرين ومافيه اي خطوره بعكس البنادول اللي يقولون ان كثرته تسبب عقم دائم.. والاسبرين مفيد وكثير من الاطباء ينصح باكل حبتين من حبوب الاسبرين للاطفال يوميا لانه مفيد جدا لامراض القلب ومفيد للبشره ..
غير فوائده بالنسبه للشعر اللي يعطيه غزاره مو طبيعيه..
وغير البنادول ادويه السعال وانسداد الحلق ممكن تستعملين الثوم.. والعسل .. وشراب الزنجبيل..
ونفس الشي بالنسبه لادويه الزكام والمضادات الحيويه.. اشربي شوي من مرقه الدجاج
وحده بوحده..
او ممكن تاكلين ليمون وبرتقال كلها مضادات طبيعيه..
بالنسبه للشاي.. صح انه مايضر لكن منافعه قليله.. ممكن تبدلينه وتشربين الشاي الاخضر.. اللي فوائده ضعف الشاي الاسود..
ومن فوائده ..
يحمي القلب والشرايين..
ينقي الجسم من السموم..
يساعد على الهضم .. ممكن تشربينه بعد الوجبات..
ويعتبر مسهل طبيعي للبطن..
ومفيد جدا جدا للبشره ويمنع ظهور التجاعيد عليها..
والاهم من كل هذا انا يحمي من السرطان.. الله يحمينا ويعافينا وياكم ..
الكاكاو .. المصيبه العظمى.. كثرته مافيها ادنى شك انها تدمر البشره..
والحلويات..
ممكن تصنعين حلوى خفيفه لك من التفاح او الموز او اي نوع من الفاكهه اللي تحبينها بدل الكاكاو وتقطعينها وتحطين عليها توفي و ترشين عليها قرفه او كاكاو بودره وتدخلينها المايكرويف دقيقتين لما تسخن وبالهنا والعافيه..
هذي الحلوى للي حالتهم مستعصيه وياكلوون كاكاو كثير لكن اذا تاكلين قطعه او قطعتين مافي اي مشكله..
ممكن بعد بدل القلي.. قلي الاكل.. تشوينه.. وهو الذ واطعم..
وممكن بدل الماي اذا ماتحبين شربه او ماتعطشين كثير.. تشربين الشاي الاخضر او عصير فواكه..


كل المستحضرات والخلطات تفيد وتنفع لكن الاساس من الداخل وعاداتنا الصحيحه هي اللي تعكس على شكلنا من برا..
واذا تبين فايده اكثر من الخلطات اهتمي من الداخل وشوفي..
وممكن بعض الاشياء والمستحضرات تونسنا الحين لن تاثر بعدين..
لكن لما تبدلين تفاصيل صغيره في حياتك راح تنفعك على المدى البعيد انشاالله وماتضرك باذن الله ...:)