اقلد زوجي في كل شيء وهذا يضايقني

السلام
ببدا بالموضوع على طول مااعرف للمقدمات
انا الحمدلله انسانه ملتزمه واخاف الله .. المهم اني تزوجت من واحد ولله الحمد ملتزم بس مو مره
مشكلتي اني كنت اذا غلط زوجي في شيء اعاتبه وانصحه واكلمه وانببهه ان هذا مايصلح وخطا وانه يضايقني
لكن مليت من انه يتعدل شوي ويرجع يغلط وانا من يوم يكرر الغلطه انقهر واقول هو ليش يسوي كذا
والمشكله اللي انا كاتبه عشانها انه اذا كرر الغلط خلاص مالي خلق اكلمه وانصحه مره ثانيه لانه احس انه يعاند او بالاصح مو مهتم
وابدا اسوي مثله واقول بقهره مثل ماقهرني وابغا اشربه من نفس الكاس وتعرفون ابليس حريص
وانا بصراحه متضايقه مره لاني اتذكر اني ملتزمه وشلون اسوي هالاشياء بس شسوي من القهر اللي فيني
مثلا ضحك مع وحده بالغلط اعاتبه واكلمه يقول انا اضحك على نفسي تلخبطت بالكلام مو اضحك معها وانا مااحبها ولا راعي حركات وخرابيط ..هو صادق لكن ولو الضحكه هذي غلط
واذا كررها الاقي نفسي بعدين اضحك مع اللي يبيع بالسوق او اي مكان بس عادي مايانبني ضميري ولا استحي لاني احس اني شربته من نفس الكاس كذا ارتاح وادري انه غلط ومو من طبعي لاني ملتزمه..
فانا اعيش في صراع بين اني اقهره وارتاح وبين الالتزام ولا اخفي عليكم ساعات ابكي اذا تذكرت اللي اسوي لاني متحسفه على التزامي اخاف اتمادى واتعود..
ارشدوني فانا متشتته ؟؟
وابي طريقه اعامل فيها زوجي بدون مااسوي مثله لانه غلط ؟؟
الله يخليكم لا تخلوني
ارشدوني ارشدوني
ملاحظه .. انا ماصرت كذا الا بعد فتره طويله من النصح وبعدين لاقيت نفسي اسوي مثله عشان ينقهر ..