اقلطــــــــــــــــــــــــــ ـو حياكم

يسعدني اشارك بموضوعك ياعسوله


انا جنوبيه غامديه وطقوسنا عاديه جدآ يعني يجون الاهل يشوفون البنت بعدين هو يشوفها الشوفه الشرعيه..واذا عجبته يقدم لها هديه

وبعدين عاد ف الملكه يلبسها الشبكه او امه تلبسها....


وفي الزواج تقوم ام المعرس تلبس العروسه ذهب والعروس تلبس عمتها ذهب برضوا طبعآ هدايا من بعض....


واي احد يحب يهدي العروس يهديها وهي في الكوشه قدام العالم...


طبعآ تختلف الزوجات في المدينه عن القريه طبعآ ف القريه اذا كانت العروس من قريه ثانيه يكونون اهل العريس متجهزين لاستقبال اهل العروس وجماعتها باللعب التراثي وتقديم اللطف <هذي عاده عندنا عباره عن خبز بر وسمن وعسل ومعرّق تقدم للحضور




في المدينه طبعآ تختفي هالعاده...وتصير الحفلات متكلفه اكثر..وتكاد تكون متشابهه بين اغلب القبايل

نجد يختلفون عن بعض احد منهم خطوبه بعدها شوفه شرعيه لابد منها وبعدها يسوون حفله ملكه مع الشبكه عشان يلبسها وبعدها الزواج احد يسوي زفه واحد لا المهم اغلبهم تسوي البنت زفه بدون زوجها قدام الناس اما زفتها هي وزوجها لحالهم مع اهلها هي محد يشوفهم وبس

وناس تخطب شوفه شرعيه يقدمون شبكه ويسوون حفله كبيره وبعدها يقدمون المهر وقبل الزواج بايام يملكون بدون حفله ولاشي وبعدها زواج وزفه وكوشه وووو


واللحين طايحين بحركه جديده انهم يسوون حفله كبيره بالشبكه وزفه وكذا اما الزواج بس رجال اشوف كثير تسوي كذا لانه راح يتكلفون بليله وحده ساعتين او 3 ساعات اكثر من 20 الف فليش الخساير

رفع لعيونك

عندنا بالقصيم يجون اهل الولد يشوفون البنت وأحيانا تكفي شوفة الولد بعدين بعد الفحص طبعا يدفعون المهر والملكةعاديةعندنا مافية عزيمة ولاشيء بس يجي الولد(العريس)وابوة وابو البنت واللي يشهدون وهم من القرابة خوال البنت وعمومتة وتختلف مدةالملكة من ناس لناس بس غالبهم المدة قصير جدا وبعضهم يملك قبل العرس بيوم والزواج يكون على أهل البنت هم اللي يستاجرون القاعة ويقيمون بالزواج كامل وأحيانا يشاركهم أهل الزوج اذا كان مكلف هذا بالنسبة للزواج والمهر عندنا قليل جدا يتراوح من 40الف الى 50لان الزواج على اهل البنت فما يبقى للبنت شيء بس الحين صارو يخلون العرس رجال فقط وهذا قلل الكلفة على أهل البنت ...........
وهذا طبع غالب أهل القصيم موب كلهم

سبحان الله