مساء الخير لكل البنات تعالوا معايه لمطبخي خلونا
نسوي حلى تارت خلية النحل يارب تعجبكم
اولا مقادير العجينه:
3كاسات دقيق الكويت _ 4 م ك سكر _ 4 م ك حليب بودرة _ ملعقه ونص كبيرة خميرة _ 1 ونص ك ب*ب _ نص كاس زيت
ومكعبين جبنه مثلثات أو كيري وإذا مش متوفر ملعقه ونص كبيرة جبنه سايله ( بالنسبه لي أشوف الخطوة هذي مهمه
لأنها تخلي العجينه طريه لأطول فترة ممكنه) وماء دافي للعجن
والطريقه:
أعجن كل المقادير الجافه سوا وبعدين أدخل عليها المقادير السايله الزيت وبعدين الماء الدافي وأعجن وموشرط تكون جدا
متماسكه يعني متماسكه كلها على بعضها ... أخليها تخمر لمدة ساعه إلا ربع إلى ساعه
وهذي صورتها بعد ماخمرت لمدة ساعتين
]
طيب وفيه صحن صغير خلطت 2 م ك قرفه و 2 م ك شكولاته و 2 م ك سكر
وكورت العجينه وحشيت كل كورة بالكيري وقفلت الكرة وغمستها بالخلطة القرفه
ورصيتهم بالصينيه طبعا بعد مادهنت الصينيه بالزيت
حتى إذا قلبتها ماتلزق بالصينيه ويخرب شكلها وهذي الصينيه شكلها غير تجي مرفوعه من الأطراف
ونازله من الوسط وهذا شكل الصينيه
وهذا شكلها قبل ما تدخل الفرن
]
في هذا الوقت أحط بالخلاط 3 مكعبات كيري مع نص العلبه نستله واخلط
]
ولما أخرج الخليه من الفرن اقلبها واحط عليها خلطة الكيري وازينها بالهرشي
وهذا شكلها النهائي
وهذي من زاويه ثانيه
]
أتمنى تكون عجبتكم وتجربونها
بس ماطلعت كل الصور