اقلطو هنيا حشوة سمبوسة جديدة غيرو شوي من اللحم والدجاج

ســــلام

تطورت منفوحه:o
اول مره اكتب في هالمنتدى لا وماخذه الطريقة من اختي يعني مهوب تأليفي ولا يجي مني اصلا اختراع ! المهم عاد يله اخلصو اكتبو هالطريقتين لحشوة السمبوسة <-- لازم تدف :42:

ترى من غير كميات لا تجي وحده تقولي كم كاس وكم كوب وكم ملعقة وكم سنتيميتر كل وحده تحط اللي تبي المهم تطلع حشوه وبس <--- امحق شرح ليتك ما كتبتي الموضوع اخلصي بس.

الحشوة الاولى <--- راعية طويلة

( جبن + فلفل اخضر + ذرة )
تخلطين مقدار من الذره المسلوق تاخذونها جاهزه اللي يبيعونها في السوبرماركت تصفينها من الماي اللي فيها وتخلطين معها فلفل اخضر بعد ما تقصصين الى مربعات صغيره مره و تضيفين معاهم أي نوع من الجبن "المراعي , كرافت أي شي "بس ما انصح بالجبن السايلة لانها بتسيح مع القلي وبتدمر الدنيا " بس ممكن تستخدمين كرافت اللي في العلب يعني مهي سايلة " المهم تبشرينها وتحطينها معاهم . وبكذا تصير لكم حشوه حلوه .جربوها بصراحه الطعم روعة .


الحشوة الثانية
<--- حاولي تغيرين الشرح لو سمحتي !:mad:
(بطاطس + جبن + اتشار "مخلل" )
بطاطس مسلوقة مقطعة الى قطع صغير " ملاحظه ما تسلقونها كثير عشان ما تنهرس عليكم و عشان تقدرون تقطعونها الى قطع صغيره مربعة "

جبن مبشور " اي نوع من الاجبان يفضل ما تحطين جبن سائل "

هالحين هنا البلشة:confused: ما اعرف اوصف لكم المخلل :29: لا هو مهوب مخلل مدري وش اسمه بس تراه معروف هنا في الشرقية ويجيبونه من البحرين وموجود في بعض السوبرماركات الكبيره اسمه "أتشار الجزيره" يجي لونين اخضر واحمر خوذي الاخضر واطحنية شوي بحيث ما تكون القطع اللي فيه كبيره .
اخلطي المقادير مع بعض واحشي السمبوسة والطعم لذيييييييييذ مره

صدقوني بتعجبكم الطريقتين بس لا يغركم شرحي ادري انه يفشل بس انتم خذو الفكره وخلو الشرح على جنب وبيعجبكم الطعم انا متأكدة .
وبالعافية عليكم لا تنسون ترسلون للجيران منها :o