حياكم الله اخواتي وشلونكم مع جو الاختبارات ؟؟؟الله يكون في عون الجميع
في البداية العجينه هي عجينة العشر دقايق الي كل الاخوات صاروا عارفينها تقريبا
جربتها لاول مره بالفعل رائعه وهشه وحلوه مره
عاد امس سلمكم الله سويت منها اقماع وقطعتها بالقعاطه الخاصه بالبف "المشرشره " عجان يطلع شكلها حلو مع اللف
وكانت حشوتي الي اعرفها من 10 سنوات واكثر بعد ولا استخدم غيرها قولوا ليش؟؟؟
قلتوا ليش ! اولا لانها خفيفه وسهله التحضير وموجوده دائما وابدا في البيت والكل ياكلها
ثانيا لانها ما تاخذ وقت في تحضيرها والفطاير في الفرن حضري الحشوه دقايق تكون جاهزه معك
ثالثا وهو الاهم انها غير متعارف عليها ولا تشوفينها في كل بيت مثل الحشوات الثانيه
راح احط الصوره اول عشان تشوفونها وبعدين اقولكم الحشوه
اكيد عرفتوها بس السر في الابيض الي تشوفونه ؟؟؟؟
حبيباتي هذا طماط وخيار مقطع صغير جدا ومضاف له مايونيز وملح وفلفل اسود فقط
لكن في ملاحظه مهمه جدا عدم تحضير الحشوه الا وقت التقديم فورا لان الطماط راح ينزل مويته
وتلين معك الفطاير ويخب تقديمك لها
اتمنى تجبونها وتعطوني رايكم فيها