http://forum.hawaaworld.com/showthread.php?t=1304742
السلام عليكم و رحمة الله و بركاته...
أكيد أغلبكم سمعتوا بالمطاعم السريعة المتخصصة بأقماع البيتزا! بصراحة أنا ما ذقتها لكن شفتها على مواقع كثيرة...
سلفتي جربتها و عجبتها كثير، و طلبت مني طريقة عشان تسويها في البيت! بصراحة احترت و أنا أفكر في طريقة لعملها، و لما بحثت ما لقيت لها أي طريقة، يعني هي تعتمد كلياً على أدوات و أجهزة المطاعم المتخصصة في هذي الشغلة!
و الجمعة اللي فاتت كنت أتفرج على مارثا ستيوارت على فتافيت، و كانت تسوي أقماع الكب كيك، و أول ما شفت طريقتها على طول عرفت شلون بسوي أقماع البيتزا
بس حبيت أقول لكم، إن هذي أول تجربة لهذي الطريقة،
نبدأ بسم الله...
بنحتاج:
عجينتكم المعتمدة للبيتزا
صلصة الطماطم الجاهزة أو طريقتكم الخاصة
خضار لحشوة البيتزا (بصل - فلفل بارد - هوت دوغ - زيتون)
جبن موزاريللا
بنستخدم من أدوات المطبخ:
الأقماع الخاصة بالمعجنات
قطاعة رول للعجين
قدر حجم وسط
غطا قدر حجم صغير
ورق ألمنيوم
نجي للخطوات...
ناخذ مقدار كورة صغيرة من العجينة و نرقها بحجم الأقماع اللي نستخدمها للعجين...
و ننتبه ما نخليها رقيقة، لازم تكون سميكة شوي!
نلف العجينة لفة وحدة على القمع (و ما ننسى ندهن الأقماع بالزيت)، بحيث بس تلتقي الأطراف، و نقطع العجين الزايد بالقطاعة الرول... و نكبس على الأطراف زين حتى نتأكد إنها ما تنفتح في الفرن وقت الخبز...
و هنا بعد ما جهزت الأقماع و صفيتهم في صينية مدهونة...
ندخلهم الفرن على حرارة 475، الفرن لازم يكون حامي، و نخبزها لمدة 5 دقايق فقط!
و هذا شكلهم لما طلعتهم من الفرن...
نتركهم يبردون شوي بعدين نفك عنهم الأقماع المعدنية... و نبدا نجهز الخطوة الثانية!
نجيب القدر و نحط الغطا داخله، و الغطا اللي نستخدمه لازم يكون أصغر من حجم القدر بشوي، يعني لما ندخله في القدر يثبت في وسط القدر، مو صغير لدرجة إنه ينزل لقاع القدر!
و يفضل إنكم تدهنون الغطا بشوي زيت...
الحين نغطي القدر بطبقتين من ورق الألمنيوم و نتأكد إنه مشدود و ثابت!
و نجيب سكين طرفها حاد و نسوي فتحات في ورق الألمنيوم بحيث ندخل فيها الأقماع و تثبت و هي واقفة!
فايدة الغطا داخل القدر، إنه يعمل كقاعدة ترتكز عليها الأقماع، و قلت لكم تدهنونه، لأن اللي سويتهم لزقوا على الغطا و اخترب شكلهم شوي من تحت...
الحين نعبي الأقماع بالصلصة و الخضار و الجبن... أنا حطيت تقريباً ملعقتين صغار من الصلصة...
و ممكن إنكم تحشون الأقماع أول بعدين تثبتونهم على القدر...
ندخلهم الفرن بنفس الحرارة السابقة، و لمدة 15 - 20 دقيقة...
و هذا شكل الأقماع بعد ما طلعتهم...