في البداية تعب وان شاء الله مع الايام يصير كل شيء سهل عليك

طيب شوفيلك اي وظيفه ثانيه غير التعليم

اذا كنت تحبين التدريس اكملي وذا لا شوفي اهتماماتك وطوريها لان اغلبنا وانا منهم اخذنا الشهادة الخطأ

شوفي انتي رافضه لانج توج سنه قاعدة بالبيت

انا قعدت سنوات بس كنت ابحث وادور وووو ولا ربي رزقني الا هالسنه سبحان الله

لا تخلين وقتج يروح رقاد بدون فايدة شدي حيلج شهر وصدقيني راح تتعودين وتحبين نفسج


يلا انفضي نفسج من كسلهااا واذا تبين تعالي واعطيج كف يصحيج ههههه

حبيبتي شي طبيعي بيكون في بداية الامر رهبه وخووف
وتحسي انك ماتقدري تدرسي لكن خذي الموضوع في البداية كتجربة سواء عجبتي المديرة او ماعجبتيها عرفت تدرسي اولا خليها تجربه ومغامرة ولا تشيلي هم من احد سواء المعلمات او الطالبات خذي هاذي قاعدة
(طنش تعش تنتعش ) واذا عدٍت وشفتي ان حاجز الخوف والقلق انكسر وقتها قرري تدرسي اولا
مو شردتي وانت اصلا ماخضتي التجربة
وبالتوفيق ان شاء الله