اقولكم وش سوت سلفتي وقصتي معها ...

انا عندي موضوع قلت استشيركم مالي غنى عنكم وعن نصايحكم ... انا قد قلتلكم ان سلفتي بينا صداقة قوية بس هالفترة تسوي تصرفات قلبي مو مرتاح مهما كان قلب المؤمن دليله
اهل ازواجنا الله يهديهم بس المهم انا وياها اذا تقابلنا نتكلم فيهم يعني اذا وحده سوو لها حركة ضايقتها تعلم الثانية يعني نفضفض ولنا 7 سنوات وعلاقتنا سمن على عسل ولا قد وحده افشت اسرار الثانية
تزوج اخو ازواجنا وحده تقربلي انا مررره واكلمها وتكلمني بس علاقتنا رسمية بس بينا احترام صرت الاحظ سلفتي اللي اقولكم صديقتي تقولي اذا جاء جمعه عندي تقول لا تعزميها ودايم بين فترة وفترة تسالني فلانة كلمتك قابلتيها او كلمتك دايم اسئلتها هذي مكررة
تفاجات ان سلفتي هذي صارت تعزم سلفتي الثانية وقبل ايام كلمتها قالت بجيك اللي قهرني ليش تحرضني عليها وهي تعزمها وتروح لها احترت والله لو انها ما تحرضني عليها كانت ما فرقت معاي
بس استغربت هالحركة
الموقف الثاني مع ام زوجي برضو اذا جيت اروح تقولي عادي ارسلي عيالك اذا ماعد فيك تروحين وهيه الاسبوع ذا مطيحه عندهم خصوصا يوم زوجها مداوم مسائي
وقبل ايام عزمت ام زوجي عندي علطول سلفتي هذي ارسلتلي انتي عزمتيها او هيه كلمتك احيانا تضايقني وبديت اشك بتصرفاتها والله ما كانت كذا قبل
موضوعي الاول قلتو اني سيئة الظن فيها بس والله حركاتها شككتني غصب عني
ومرره جاني زوجي في سالفة قالي فلانة كل شوي تجيب هدايا لامي قالها عن طريق سالفة وانا برضو ما دققت بس حركاتها الان بديت اشك انها تلعب على الحبلين
انا كتبت هالموضوع ما ابغى اكون غبية هل انا غلطانة ولا لا لاني ما ابغى اخسرها