اقولها ولا اطنشها....😏

مرحبا بنات كيفكم ان شاءالله مبسوطين سالفتي عجيبه غريبه هذا طال عمركن عندي جاره بنفس الحي بس هي الوحيده اللي تعرفت علي لانها زوجي وزوجها اصحاب ماقصرت جاتني وانا عروس وبعدين صرنا نتواصل بين فتره وفتره يعني مو دايم.....
المهم قبل سنتين ولدت وجتني وكانت ترسل اكل وقهوه وحليب الله يجزاها خير ....
وبعدها بكم شهر امي تعبت الله يرحمها ودخلت العنايه وجارتي طبعا ماتدري وفي يوم ارسلت واتس انها بتتقهوى عندي واعتذرت قلت لها ماهي مناسبه معاي ان شاءالله اذا ناسبت معاي اعزمك يعني رديت بذوق واسلوب وجلست امي الله يرحمها اربع اشهر بالعنايه طبعا تعرفوا اذا الوحده عندها مريض كيف النفسيه فمابالك بالام مالي نفس زيارات واستقبالات ....
توفت امي رحمها الله وجارتي ماعزتني وبعدها بفتره ولدت جارتي واخذت راي زوجي قال هي ماعزتك لاتروحين لها ....
وبعدين حملت وتوفى الطفل ببطني والحمدلله تعبت لانه جلس ببطني الي الشهر الثامن ونزل بالبيت وبعد ماارتحت وتعافيت....
ارسلت لها واتس اعزمها لاني وعدتها وقلت لها حياكي باي وقت تقهوي عندي. وماردت علي
من البكره قالي زوجي بيطلع مع زوجها برا زي دايما..
قلت فرصه ابعزمها تتقهوى عندي والرجال مع بعض برا... وعزمتها واتس حياكي ع القهوه الليله طبعا ماردت
وكانت هنا المفاجاه يوم جا زوجي الفجر من الطلعه ويعطيني الاخبار انهم مسوين طلايع لعيالهم وعازمين ناس وقلت لزوجي ليه ماخبرتني تورطت مع جارتي ع بالها اني ادري عن العزومه تحسبني ابغاها تعزمني وانا والله مدري عن شي....
ايش رايكم اعلمها اني مادري ولا اطنش لانها باين زعلانه مني وشايله بخاطرها...