اقول لزوجي اخاف اموت في العمليه يقول الله لايردك

وش شعورك لوكنتي مكاني


اناعارفه زوجي وطبعه يقط أي كلام بدون قصد اذا يدعي على ولده ابوثلاث سنوات

بس الله قطعت قلبي هاكلمه وحزت بنفسي وموقادرة انام

اللي يعرفني يعرف قوة شخصيتي ماني من النوع اللي بظهرضعفه للناس اللي حواليه

بس برضواناانسانه نفسي بكلمه تواسيني لماقتله اخاف اموت بالعمليه تمنيته يقولي ماعليك الاالعافيه

ولاعمرك طويل ولا اي شي

ادري كل انسان له اجل ومحديموت قبل يومه موهاجسي ان العمليه هي اللي بتذبحني

بس احس بلحظات ضعف نفسي بشخص يواسيني

اهلي مقاطعيني ولاهميتهم

ماعندي صديقات

قلت اقول هالكلمه لزوجي يعني قلت اسمع كلام يجبرخاطري ويشجعني

ميتة خوف على عيالي بتركهم لوحدهم لكن ثقتي برب العالمين اللي ماراح يتركهم

واللي خلقهم ماينساهم هوارحم عليهم مني وارحم علي من البشر اللي ماأعنيلهم شي

يارب انت خلقتني وبيدك امري ياربي اغنيني بفضلك ورحمتك عمن سواك

ياربي قوني وارحم ضعفي واجبرقلبي














ماهوموضوع **** ولاهوتعبير لكن يشهدربي اكتب ودموعي على خدي


ليه مالي احدليه

هل قوتي خلت الناس تتركني ولايبي يقط كلام يقطه بدون مايعمل حساب لمشاعري


الحين كل قوتي تلاشت واحس اني اضعف من الضعف نفسه



اكيدالغلط فيني مستحيل يكون كل الناس غلط


وبس اناصح


اكيدالبلافيني اللي ماتركلي احديخاف علي ويدعيلي ويحاتيني


بس وشوهالغلط اموت واعرفه


بس والله لوني قطوة تربت وكبرت معاهم حنوا عليها


انسانه انا كلش ماعورت قلب احدفيهم

طيب اقلهم زوجي اللي اكثرمن عشرسنين فانيتها عليه وقايمه فيه وبعياله وتحملت سلاطه لسانه وفقره

اقلها قول ام عيالي


كلمه تجبربخاطرها


ادري بكرة بيضحك ويقول امزح صدقتي بس عمري ماراح اسامحه


ولوصدق مت فاشهدياربي ماني محللته

لاهو ولاامي ولاابوي ولااهلي كلهم


حسبي الله ونعم الوكيل