اقول لها وله لا؟

صديقة امي عندها بنتها بداية العشرينات تدرس في الجامعه ، البنت علاقتي معها سطحيه ، احبها في الله مثل اختي الصغيره ، هي ما شاء الله عليها تنحب و تدخل القلب بسرعه ، ما بيني و بينها غير سلام و سواليف عامه اذا لاقيتها بجمعه الحريم ، قبل كم ليله و لا هي على بالي لاني لي اكثر من سنه ما شفتها ، حلمت فيها حلم تفسيره انها عندها موضوع مسبب لها هم و في الحلم طلبت مساعدتي و شفت اني اشيل عنها الهم الي كان فيها و صرت اردد عليها المعوذات 3 مرات و اية الكرسي و اوصيها لا تترك اذكار الصباح والمساء و في نفس الحلم بعد القراءه شفت حالتها تغيرت للأحسن و كانت مره مرتاحه.
عندي رقمها بس ما بيننا مراسلات ، ابغى ارسل لها رسالة واتس و اقولها احرصي على اذكارك اخاف فعلا هي في غفله وتحتاج من يذكرها و متردده في نفس الوقت ما ادري ايش راح تكون ردة فعلها ممكن تستغرب او تتوجس مني و كيف راح تفسر الموقف ؟ ايش تنصحوني ؟