اقووول وش صار في الدنيا انقلب راسي ترى بتنقلب روسكم لادخلتو؟؟!!!

السلام عليكم ...يابنات ابي اقول الموضوع ببساطه نحن السعوديين طحنا وكثرت السكاكين علينا:(

معاناة رقــــــــــم 1:



الدنيا نار غلا موطبيعي حتى ابو ريالين خذ مقلب بعمره ورفع الاسعار!!! بصراحه نا مالي بالاقتصاد ولا بلفلسفه لاكن شوفة عيني وضعنا تغير في ايام قليله...انا متزوجه ولا اشتغل وزوجي كرررف وكاي سعودي راحت فلوسه بزرفة الهوامير قصدي الأسهم السعوديه ----:hahaha: وضعها مزري..وفوق كيذا الاسعار كل مالها ترتفع يناس الخضار ولا خضار باريس مرره نار غير عن فواتير الكهرب الي اندبلت بدون سبب معروف يناس احنا ماصدقنا تتبتسم لنا الدنيا ونحس السعوديه بدت تطلع للأحسن ولكن للأسف بنفس السرعه الي طلعنا فيها قاعدين ننزل وبقووه بعد....


معاناة رقـــــم 2:

يعني كل عيله فووق راسها الف هم وهم...ديون** وفواتير كهرب مويه وال عندهم مبزره كل يوم مستوصفات مع ذا البرد وصيدليات وحليب وحفايظ--- توها جايبه بزر وحست بالمعاناة شركة الاتصال غير الجولات الي مع افراد العيله؟؟؟؟؟؟حتى السواق والشغاله معاهم جولات؟؟والله دنيا تصدقون انكسر خاطري على نفسي يوم شفت جهازي زي جهاز سواقنا!!!والله العظيم ولا معطينياه يقول حطي نغمات زي الي في جوالك:hahaha:

معاناة رقــــــم 3:
والقهر ان لي سنتين متخرجه من الثانوي ماغير افرفر بهالجامعات ابي شي يقبلني((يضفني)) ابي ادرس اكمل دراستي مو قادره والمعاهد التجاريه كثر التراب هي وعيادات تقويم الأسنان ماتلاحضون انها اكثر من محلات ابو ريالين؟؟؟

معانــــــــاة رقم4: التلفزيون ماصار سلاح ذو حدين صار سم فيران في البيت والله انه في بلاوي وبلاوي تعل القلب عل خلو قلة الادب والاغراء الي وصل درجة تحت الصفر هذا شي انتهيت منه وما ابي افكر فيه المشكله في السحره الي صارو يسمونهم مشايخ؟؟؟الحين ساحر والا ساحره تقول اشتري دجاجه سودا وامصع رقبتها مصع وادفنها في مكان مهجور اعوذبالله نسميه شيخ وال يحوم الكبد انهم تجيهم اتصالات من السعوديه وين راحت العقيده؟؟..؟

معاناة رقم 5:

بصراحه مشاكل الحياة الزوجيه صار اغلبها بسبب الماده هذا واقع مرير عموماً انا راسي في ازدحام بالافكار وانبهار وتعجب في التغيير الي حصل في سنتين ادري الي بيقرا موضوعي راح ينقلب راسه لاكن متاكده ان له هموم مثل همومي لو ان الموضوع ملخبط ومافيه ترابط