اكبر حرقة للقلب الجحود والنكران

حبي نفسك وعزي نفسك
الناس تقدرك وتحترمك
اذا دورتي رضا الناس وتقصيرحصل منك و اقل من البسيط ع طول راح ينسو اللي سويتيه ويبدو يجحدوك
لانهم مايشوفو الا الغلط البسيط اللي سويتيه
من اليوم حبي نفسك واهتمي بنفسك علشان الناس تقدرك واولهم زوجك

اي والله انك صادقه ياقلبي 
لكن سبحان الله الواحد اذا تربى على شي صعب يقدر يغيره بين يوم وليله واناماذبحني قي الحياه الااني ادور رضا الناس دايما 
الحمدلله على كل حال بس

اول شيء صلي ع النبي
ثاني شيء قبل ما اتكلم في مشكلتك
انتي تقولين اهملت نفسي .
ليش ان شاءالله ؟ نفسك اهم شيء واهتمامك فيها قبل غيرك
حتى لو كان غيرك زعلان منك وناكر فضلك الاقل اذا لف عليك وشافك
الا يلاقيك مهتمه بنفسك و مترتبه
مو يقول بينه و بين نفسه , زياده على انها ماتسوي لي شي حتى مو مهتمه بنفسها
بيفكر زي كذا , انك مو مهتمه بروحك ولا حتى فيه ,
اهتمي بنفس ودلعي روحك البسي وتكشخي وتشيكي
ع الاقل يحس انه فيك شي يجذبه من ناحيتك
اذا جحد فضلك من صوب يشوف اهتمامك وكشختك بنفسك من صوب ثاني و يتقرب منك
مو يقول لا اهتمام فيني ولا بنفسها ,,
عيالك نفس الشي حرام لاتهملينهم ع حساب غيرهم
وقتك مو كله لزوجك و تعزلين نفسك عنهم
عيالك يحتاجونك ويبون يحسون بقربك
مو يصي بخاطرهم لا اب حولهم ولا امهم
عشان حتى مشاكلهم وهمومهم يشاركونك فيها
اذا ظليتي على هالحال
راح يعزلون نفسهم عنك و يصير بينكم حاجز
حرام لاتضيعين عيالك انتبهي من هالشي
خصصي وقت لهم ووقت لأبوهم و كذا .
** شي مهم ** :
زوجك اذا جحد فضلك لاتقولين له انا كله مجحود فضلي
حتى جدتي قبل اسوي لها و اسوي واخرتها جاحده جميلي وكذا
لانه بيحط هالكلام فعقله الباطن وبيصدقه بيقول مو انا بروحي
حتى جدتها قالت كذا يعني انا ما كذبت .
واذا جدتكم وحده يمكن اخذ هالشي وراثه منهها بعض الطبع يورث
لا تقولين له كذا لانه بيفكر ان كلامه جد + بيفكر انك منانه
وبيقول انتي تمنين علي بإهتمامك .
اذا قال شيء اسكتي واستغفري من داخلك
لا تبينين غضبك قولي حقك علي و ابشر و عطيه من هالكلام
اذا شافك كذا تلقائياً بيسكت
عكس اذا قالك كذا وتكلمتي معاه و تناقشتي
بيقول تجادليني بعد و انتي عارفه الجاجيل وش يسكتهم .
اذا اشوفك اسلوبك بهالطريقه هاديه و ابشر وكذا
راح يستحي على وجهه ويسكت ماله حجه يهاوش ويجادل
بعد هالنقاش اللي قاله
حتى لو انتي غضبانه وحرتك ما ابردت
وناداك وقال يبي شيء ردي عليه بحكي حلو و طيب نفس
اوك حبيبي اللي تبيه
بيفكر ان بعد الكلام اللي انا قلته جاب نتيجه و زي كذا
و قبل ما تنامين قولي له شكثر تحبينه و و و
او مو شرط هالوقت
لمن يكون بداومه ارسلي له واتس
بعض الرجال كذا نوعيتهم

جد اعتذر ع الاطاله
الله يخليه لك و يهدي سركم يارب

مشكلتك وجعت قلبي

للاسف الشديد افنيتي حياتك بافكار واعتقادات خاطئة لم تجني من ورائها غير التعب والشقا

كنتي تفكري ان رضا الناس عنك هو مفتاح السعادة لكً

لكن العكس صحيح
مجنون من يعتقد انه يستطيع ان يرضي الناس
رضا الناس غاية لا تدرك

ارضي ربك اولاً
ثم ارضي نفسك

ثم ربي اولادك
ثم اهتمي بزوجك وبيتك

سلم الاولويات عندك خطأ

هل سمعتي من قبل بهرم ماسلوا للحاجات الانسانية

في قاعدة الهرم الاساسيات الضرورية للحياة
وفي قمة الهرم الحاجات الكمالية للانسان والتي يطور منها نفسه

انتي للاسف لم توفري لنفسك قاعدة اساسية لحاجاتك الضرورية
من بداية زواجك وضعتي سعادته قبل سعادتك

حاجته قبل حاجتك

ظنناً منك انك راح تكبري بعينه ويقدرك لكن يا اختي
الرجل لا يفكر بهذه الطريقة ابدا

وليس فقط الرجل

حتى المحيطين بك

حتى للتضحية والتنازل حدود طبيعية


كيف يعني يجبرك تجلسي معه في الغرفة وتخلي فلذات كبدك عند الباب !!!؟؟

سمحتي له يتسلط عليك

للاسف التغير الآن صعب جداً

لكنه غير مستحيل

واكيد راح تشوفي منه مقاومة لتغيرك

من حقك تعيشي حياة طبيعية

وتهتمي بنفسك اولاً

ثم عيالك
ثم زوجك

من حقك تكون لك حياة اجتماعية

هي علاقة زواج وليست علاقة عبودية

هو اتخذك زوجة له
مو خادمة او جارية عنده

وقت لنفسك ووقت الاولادك ووقت له

11 سنة من التنازلات والتضحيات في حياتك الزوجية

وانا فهمت من كلامك انك حتى قبل الزواج كذا طبعك
يعني شخصيتك تبرمجة على التضحية الي مو في محلها


مشوارك طويل وابدأي به من هذه اللحظة

لا تبحثي عن رضا حد بعد اليوم

وعاملي الناس بالمعقول فقط
وعاملي زوجك بما يرضي الله

احبي نفسك وعزيها يعزوك ويحبوك الناس

فرضي احترامك على الكل باخلاقك وحسن تعاملك

وفرقي بين الطيبة والسذاجة الان بينهم خط رفيع جداً

فلا تقعي في الفخ مرة اخرى

اهتمي بعيالك هم عزوتك وسندك بالدنيا