اكتأب مابعد الولاده الله يجعلكم ووالديكم بالجنه

السلام عليكم ورحمة الله وبركاته
اولا اسأ لكم بالله العلي العظيم يا مشرفات عدم حذف الموضوع لاني في امس الحاجه الى ردود البنات
والله ماني عارفه كيف ابدأ اكتب ودموعي على خدي
بعد كتابة كل اللي اعرفه عن برامج النفاس ما نفذتها ولا سويت شي وبعد انتظار مولودي بفرحه وبعد وصوله لم اذق طعم السعاده اتمنى اللي عندها علاج او مرت بحاه مثل حالتي واللي جاها اكتأب بعد الولاده ترد علي وتقولي وش جاها من اعراض وكيف راحت بالله عليكم افيدوني بعد الله في عقار او حبوب اوعشبه واللي تعرف عشبة القديسين هل تفيدني
والله يابنات اني اذكر الله ومتأكده انه لن ينساني ويعلم بحالي وجبت البقره وادري عن فؤائدها واعرف قدرت الله على شفائي ولكن ليطمئن قلبي من عانت معاناتي وكم استمرت معاها هذي الحاله خاصه وانا عندي عيال في المدرسه صغار جننتهم وتعبتهم نفسيا بس دمعتي غلى خدي زوجي المسكين وامي وابوي وخواتي تعبتهم وجبت لهم الهم بنات مين سار لها مثلي طبعا المشكله اني جلست عند اهلي بعد النفاس بس يومين وجيت لبيتي واروح لهم الاربعاء وارجع بيتي الجمعه وطول الاسبوع لحالي اعاني لا يعلم معاناتتي الا الله افكار وهواجس وهموم وتفكير بالموت واهمال لنفسي وبيتي ما اقوم اسوي شغلتي الا بالدف ارجوكم بعد الله المساعده اصبحت زاهده في كل ملذات الحياه الله يكتب الاجر
امي المسكينه تعبتها تجيني احيانا رغم ضروفها القاسيه بنات اشكي لكم بعد الله تعبت والله تعبت واسفه على اسلوبي الركيك عقلي وجسمي تعبان والله تعبت وتعبت اللي معي ودمعتي دوم على خدي ما اعرف طعم الراحه النفسيه من يوم ولدت الرجاء تكتبون لي كيف اطلع من هذي الدوامه ولا تذكرون لي الاعراض لاني اتعب اكثر اذا قريت الاعراض
واهم شي دعواتكم لعل فيكم من لاترد دعوتها
الله يجزى والدينا ويجزانا وياكم الفردوس الاعلى من الجنه